شاشة تلفزيون شاومى الشفافه اول شاشة تلفزيون شفافه فى العالم

شاشة تلفزيون شاومى من شركه شاومى الرائعه المعروف عنها تبنيها الدائم لأحدث الأقكار و التطورات
فى مجال التيكنولوجي اعلنت من حوالى شهرين  و تحديدا فى 11 اغسطس اللي فات فى الإحتفال بالذكرى
العاشرة لإنشائها  عن طرحهالأول شاشة تلفزيون Oled شفافه يتم إنتاجها و بيعها فعليا لسوق المستهلك  

و هى تيكنولوجى مبهره و ثوريه جدا بصراحه حبيت إنى إنتم تشفوها علشان تكونو متابعين معايا لأحدث
التطورات فى عالم تيكنولوجى صناعة شاشات التلفزيون و إسم الشاشه دى Mi TV LUX OLED Transparent Edition و اللى شاومى بتقول عليها إنها هاتكون مستقبل شاشات التلفزيون و شاشات
العرض عموما و هي طبعا مبنيه على تيكنولوجى الأوليد و اللى بتختلف عن الشاشات الled  الموجوده
حاليا اللى بتكون عباره عن  مجموعه مختلفه من ال layers و العواكس و بتنور بإستخدام الإضاءه الخلفيه
و بعدين النور يعدى على reflector و بعدين Diffuser و أكثر من مرحله لحد ما توصل للصوره النهائيه
علي أخر layer  

لكن شاشات الأوليد طبعا بتختصر كل المراحل دي فى layer واحده من البيكسيلز المضيئه إضاءه ذاتيه و التيكنولوجي دى طبعا من نقط القوه فيها إنها بتعرض عدد لا نهائى من الكونتراست و التباين و درجات الأسود
القاتمه لأن نور البيكسيلز فيها بيكون مطفى تماما مش درجات إسود رايحه على رمادى أو مجربه نتيجه تأثر الصوره بالإضاءه الخلفيه للشاشه  مع طيف لونى واسع و الوان زاهيه و قدامكم مثال دلوقتى بيوضح الفرق بين
درجة اللون الأسود فى الشاشات العاديه و الشاشات الأوليد و هنشوف طبعا تأثير الإضاءه الخلفيه للشاشه فى
إنها بتخلى الأسود رايح على رمادى شويه مش إسود صريح

نقطة تفوق شاشة تلفزيون شاومى oled الشفافه

من نقط التفوق كمان فى تيكنولوجى ال Oled هو رفع الشاشه الرهيب اللى بيبقى 5 ملى نتيجه لأن
فى layres كثير اتشالت من مكونات الشاشه  يعنى تقريبا الشاشه بتكون أرفع من السيجاره زى شاشه
تلفزيون شاومى الشفافه اللي بتكلم عنها النهارده و هى مبنيه على تيكنولوجى ال OLED  الشفاف المستخدم
فى شاشات ال جي الشفافه اللى كان ليها السبق طبعا فى تيكنولوجى ال Oled  العادى و الشفاف عن شاومى
و لكن شاشات ال جي الشفافه اللى قدامكم دلوقتى لسه ماتمش طرحها للإنتاج بأعداد كبيره لسوق المستهلك و
زى ما انتم شيفين يا جماعه الموضوع شكله رائع بصراحه أنا حاسس إنى بشوف سحر قدامى و لكن لو دققتم
النظر هاتلاقو إن الشاشه بتبقى شفافه و هى بتعرض حاجه لونها أسود لكن لما بيكون المحتوى منور الشاشه
بتقفل كثير ما بتبقاش شفافه اوى

شاشات سامسونج الشفافه و شاشة تلفزيون شاومى الشفافه و غيرهم من الشركات

سامسونج برده عندها شاشات شفافه و لكن لسه مش متاحه لسوق المستهلك. فا التيكنولوجى موجوده و قريب
اوى هانشوف الشركات دى ابتديت تنتجها لسوق ال Consumer بأعداد كبيره وواضح فعلا إن
التلفزيونات رايحه علي مرحله مختلفه خالص

و لكن شاومى هنا هى اللي ليها السبق فى طرح التيكنولوجى دى لسوق المستهلك  فى الصين لكن لسه ما
حددوش بالظبط امتى هتبقى موجوده فى باقى دول العالم و الموضوع شكله خيالى جدا طبعا أنا حاسس إنى
بتفرج على فيلم خيال علمى بيتحقق قدام عيني

مواصفات شاشة تلفزيون شاومى الشفافه

بس تعالو برده ناخد نظره أقرب على المواصفات و الإسبيكس بتاعتها زى إنها بتيجى بمقاس 55 بوصه فقط مفيش مقاسات تاني و بدقة FHD مش 4K و هى ماينفعش تتعلق على الحائط مثلا و متثبته فى الحامل المدور اللي بيكون فيه كل مكونات الشاشه الداخليه

الشاشه بتيجى بمعالج ميديا تك 9650 كواد كور تم تصنيعه بمواصفات خاصه بالشاشه دى و بيدعم العديد من تيكنولوجيات تحسين جوده الصوره والشاشه بمعدل تحديث 120 هرتز و بتغطى الطيف اللونى ال DCI p3 المستخدم فى أغلب المحتوى ال HDR10  و HDR10 + مع تقنيه لون 10 بيت يعنى الشاشه الطيف اللونى بتاعها 1.07 مليار لون و ريسبونس تايم مذهل واحد ملى ثانيه كا عادة تيكنولوجى الأوليد فى سرعه الإستجابه بتاعتها

و ده مع 3 جيجا بايت رام و 32 جيجا مساحة تخزين داخليه و سماعات 8 وات بتدعم الدولبى اتموس و ال دولبى ديجيتال بلس و DTS-HD و بلوتوث فيرجن 5 و تدعم الواى فاى ال 5 جيجا هيرتز

فى ظهر الشاشه هانلاقى 3 مدخل HDMI 2.0 فيهم مخرج HDMI Arc و 2 مدخل USB و مدخل إيثرنت لكابل ال لان و مخرج صوت 3.5 ملى

يعنى فيها كل الحاجات المهمه زى أي شاشه و لكن سعرها طبعا مش زى اى شاشه لأن سعرها 7000 دولار و ياريت تقولولى فى الكومنتس هل لو معاك 7000  دولار فعلا ممكن تدفعهم فى شاشه زى دى ولا لأ و تخيلو معايا برده إيه الأستخدامات اللى ممكن تكون الشاشه دى مفيده فيها عموما لأن أكيد هيبقى ليها إستخدامات كثير مبهره جدا يعنى تخيلو مثلا إن ده ممكن يكون الشباك بتاعك في البيت او إزاز العربيه مثلا ممكن يبقى بيتعرض عليه بيانات مختلفة او فاترينه عرض فى محل مثلا عليها إعلان للمنتج و طريقه إستخدامه يعنى أكيد هيبقى فيه الاف الإستخدامات للتيكنولجى الثوريه جدا دى

مواضيع ذات صله:

لمشاهدة فيديو أفضل 8 شاشات سمارت 43 بوصه إضغط هنا 

لمعرفة أفضل 8 شاشات سمارت 55 بوصه هنا 

إذا أردت متابعة مراجعات أحدث الأجهزه إضغط هنا

لمعرفة أفضل أنواع التكييفات في 2020 إضغط هنا