مقارنه بين اسعار شاشات LG 2020 أحدث موديلين من شاشات ال جي ال Oled و هما CX موديل 2020 و ال C9 موديل 2019 بالإضافه للمواصفات
يمكنك مشاهدة الفيديو للتفاصيل الكامله أو الذهاب الي صفحة المواصفات
شاشة ال جى ال CX موديل 2020 متوفره بمقاس 55 و 65 و 77 بوصه زي ال C9 و بتزيد عليها السنادي في مقاس ال 48 بوصه و علي مستوي التصميم الخارجي للشاشتين
فا هما نفس التصميم بس ممكن نلاحظ ان لون المعدن في ظهر الشاشه ال CX أغمق
شويه من لونه في الشاشه ال C9
التصميم الخارجي
و الشاشتين بنفس تصميم الأستاند البسيط الإنسيابي اللي بيخلي الشاشه قريبه
جدا من سطح الترابيزه المحطوطه عليها فابيديها Value و شكل عصر جدا
و بيكون عريض شويه من جنب الشاشه علشان يخليها stable و مش بتتهز و
عرضه 25 سم في مقاس ال 55 بوصه و بيزيد 1 او 2 سم في مقاس ال 65 و ال 77 بوصه
و البيزيلز او حواف الشاشه رفيعه جدا في الشاشتين مفيش اي فرق و الشاشه
نفسها رفيعه جدا جدا برده و تخانتها 4 مل تقريبا في الجزء العلوي من الشاشه و
ده طبعا نتيجه لان تيكنولوجي ال oled لغت مراحل كثير موجوده في الشاشات العاديه
زي الإضائه الخلفيه و الفلاتر و الكلام ده
لكن الشاشه بتكون اتخن في الجزء السفلي منها و تخانته 5 سم علشان بيكون فيه المكونات الداخليه للشاشه من سماعات و معالج و مداخل الوصلات و الكلام ده و هما
بصراحه مصنوعين باتقان و جوده عاليه من المعدن و البلاستيك القوي
اسعار شاشات LG 2020
الوصلات و المداخل
و بالنسبه للوصلات و المداخل فا الشاشتين برده زي بعض تماما بنفس عدد المداخل و المخارج و في نفس الأماكن مفيش أي إختلاف
زي مثلا إن الوصلات الجانبيه بتكون 3 مداخل Hdmi فيهم مدخلين EARC hdmi
بالإضافه لمدخل USB و في ظهر الشاشه في مدخل ال HDMI ال رابع و 2 مدخل
USB و مدخل تلفزيون أرضي ديجيتال و مدخل composite in و مدخل كابل لان و
مخرج صوت اوبتيكال و مخرج سماعه هيدفون و دي ميزه كويسه لأن مخرج الهيد فون
ما بقاش موجود في أغلب الشاشات ال premium دلوقتي
و جدير بالذكر إن ال جي اعلنت ان الشاشتين الأربع مداخل ال HDMI فيهم 2.1 الا ان
موديل ال CX الجديد ال Bandwidth فيه اتحدد ل 40 جيجا/ثانيه مش ال band width
الكامل ال 48 جيجا/ثانيه زي موديلات السنه اللي فاتت ال C9
التحكم في الشاشه
أما التحكم و الكنترول في الشاشتين فا مره تانيه هما برده زي بعض مفيش أي
إختلاف بينهم و بنتحكم فيهم من زرار واحد في اسفل الشاشه و هي حاجه صعبه
جدا طبعا انك تدخل لكل وظائف الشاشه من زرار واحد عن طريق سلسه من الدوسات الطويله و القصيره و لذلك ريموت الشاشه مهم جدا و لازم نحافظ عليه
و بمناسبة الريموت فالشاشتين بنفس ريموت ال جي, الماجيك ريموت و هو فعلا ريموت سحرى لانه بيتميز عن اى ريموت شاشه عموما بخاصيه إنه يكون زى ماوس الكمبيوتر وبيسهل جدا إستخدام الشاشه في الكتابه و تصفح الإنترنت و بيخليك تتعامل مع خواص الشاشه عموما بكل سهوله ده غير خاصية الأوامر الصوتيه الموجوده في شاشات كثير
مستوى جوده الصوره
و ال Picture quality اللي كانت في ال C9 مصنفه كا أفضل مستوي لجودة الصوره علي مستوي شاشات التلفزيون في العالم و هل ال جي قدمت اي جديد في موديل 2020 الCX و لا لأ
و من اهم العوامل اللي بنحكم بيها علي جودة الصوره لأي شاشه هي
ال كونتراست ريشيو او نسبة التباين و طبعا شاشات الأوليد بتفوز بجداره في المنطقه
دي نتيجة لأنها بتتحكم في نور كل بيكسل بشكل منفرد و بتخلي درجات الأسود في الشاشه عميقه لأن نور البيكسل بيكون مطفي علي عكس الشاشات الليد العاديه اللي درجات الإسود فيها بتكون مجربه شويه و رايحه علي رمادي و الشاشتين بيقدمو
نفس العدد اللا نهائى من الكونتراست ريشيو و مش بيختلفو عن بعض في الموضوع ده و نفس الجوده تماما
و بالنسبه للتعامل مع الأنعكاسات الخارجيه علي الشاشه زي مصادر النور
من الشبابيك الكبيره و الكلام ده فالشاشتين زي بعض بالظبط عليهم طبقة من الأنتي ريفليكشن اللي بتقلل الإنعكاسات بشكل كبير حتي في الغرف اللي فيها إضائه قويه
اسعار شاشات LG 2020
عيوب الأوليد OLED
و هو ال pixel burn او احتراق البيكسلز
اللي بيحصل نتيجه لان الماده الكيميائه اللي ليها خاصية النور فالشاشه بتقل جودتها مع الوقت بس ده طبعا تاثيره ممكن يبان بعد إستخدام الشاشه لأكثر من 10 15 سنه
في حالة اذا كان إستخدامك الإستخدام الطبيعي و هو إنك بتتفرج علي قنوات مختلفه و محتوي مختلف بشكل مستمر لأن ال جي أعلنت إن شاشاتها الأوليد عمرها
الأفتراضي بيزيد عن ال 100,000 ساعة تشغيل.
اما إذا كنت بتستخدم الشاشه في شركه او في مكتب و بتعرض محتوي ثابت
باستمرار أو جايب الشاشه لمحل بلاي استيشن و هتفضل مشغل كرة القدم
مثلا 20 ساعه في اليوم طول أيام الأسبوع و طول الشهر و السنه فا الشاشه
دي مش هاتكون مناسبه ليك لأن المحتوي الثابت باستمرار بيعلم في الشاشه و ده
طبعا حسب مدة عرض المحتوي الثابت
و الموضوع ده كان بيظهر بشكل أكبر في بدايه ظهور شاشات الأو ليد لكن دلوقتي
الذكاء الصناعي في الشاشات الجديده بيتغلب علي الموضوع ده عن طريق إنه بيعمل
ريفريش للبيكسل اوانه يغير مكان المحتوي الثابت بدون ما تلاحظ ده إلا ان برده
ما نقدرش نقول إنه عالج العيب ده بنسبة 100% و لكن زي ما قولت لو إستخدامك طبيعي
للشاشه فا مفيش اي قلق خالص من المشكله دى
اسعار شاشات LG 2020
اما العيب التاني
لشاشات الأو ليد عموما وهو برده ما يعتبرش عيب اوي يعني متعلق
بال peak brightness أو أقصي شدة إضاءه ممكن الشاشه توصلها و علي سبيل المثال الشاشتين اللي معانا النهارده ال CX و ال C9 اللي ال peak brightness بتاعهم
زي بعض تقريبا و بيوصل في المحتوي ال SDR الي 400 و 435 نيتس و في
محتوي ال HDR بيوصل ل 800 و 850 نيتس و اللي بيعتبر رائع و كويس جدا ومناسب
لأغلب المشاهدين.
بالأخص مشاهدين محتوي الألعاب و الأفلام ال HDR الا إن بعض المهوسين بمحتوي
ال HDR بيشوفو إن ده مش كافي ليهم بالأخص بعد ظهور شاشات سامسونج
الكيوليد Q90R اللي ال peak brightness فيها بيعدي ال 1000 نيتس.
زوايا الرؤيه
و بالنسبه لزوايا الرؤيه فالشاشات ال LED زوايا الرؤيه بتقل فيها كل ما بنشوفها من
الجنب أكثر و بتبتدي الألوان وجوده الصوره تتغير و تقل و دي حاجه ممكن تدايق بعض
الناس بالأخص إذا كانو مجموعه كبيره قاعده بتتفرج علي ماتش كوره مثلا أو إذا كان
سيتاب الفرش في المكان مش مخليك قاعد مواجه للشاشه و اللي بتتميز فيه
الشاشات ال IPS بانل عن ال VA بانل
أما الشاشات ال oled ما فيهاش المشكله دي خالص و الشاشتين ال C9 و ال CX زوايا
الرؤيه فيهم أكثر من ممتازه بصراحه و ما فيش اي فروق تذكر ممكن عين المشاهد العادي تلاحظها الا ان بعض المراجعات و التقارير العالميه ذكرت إن زوايا الرؤيه في ال C9 أفضل
بفارق بسيط جدا عن ال C10 و صعب قوي حد يلاحظه الا المتخصصين في المجال ده و باستخدام اجهزه معينه للقياسات اللي زي كده
دقة الألوان
أما بالنسبه لدقة الألوان فالشاشه ال CX الوانها بشكل عام أدق بفارق بسيط برده و
بالأخص في درجة نصوع اللون الأبيض في الشاشه ال CX عن الشاشه ال C9 و هو
فرق يكاد يكون مش ملحوظ لأغلب المشاهدين الا لو مدقاقين النظر أوي في شاشتين شاغالين جنب بعض
و إذا كنت بتتفرج علي محتوي HDR كثير من خدمات البث زى نتفليكس و امازون
برايم أو بتلعب جيمز HDR علي البلاي ستيشن 4 برو أو إكس بوكس وان إكس, فا كل ما بيزيد الطيف اللوني للشاشه كل ما بيكون أفضل و الشاشتين ال CX و ال C9
بيغطو الطيف اللوني ال DCI P3 المستخدم في أغلب المحتوي ال HDR بشكل مثالي و الشاشه ال CX تعتبر أفضل بشكل بسيط برده و الشاشتين بيقدمو مستوى رائع
من الألوان للمحتوي ال HDR
ولكن الشاشه ال CX بتتمبز بخاصيه جديده إسمها Dolby vision iq و هي تكنولوجيا
مش مقتصره علي شاشات ال جي بس و بتستخدم فيها سينسور نور بيظبط إضاءة
الشاشه و الألوان حسب إضاءة المكان الموجوده فيه الشاشه حسب توصيات
dolby vision علشان ناخد من الشاشه أفضل نتيجه صوره كاإضاءه و الوان في أي مكان الشاشه بتتحط فيه بدون مجهود في إن إحنا نظبط إعدادات الشاشه
توحيد الرمادى
و أخر حاجه بالنسبه لجودة الصوره هي ال Gray uniformity أو توحيد الرمادي
و الشاشتين ال CX و ال C9 ال gray uniformity فيهم ممتازه و زي بعض بالظبط تقريبا.
معالج الصوره
اما بالنسبه لمعالج او بروسيسور الشاشه فال CX بتستخدم أحدث معالج من
ال جي ال A9 GEN 3 و اللي حسب ما اعلنت ال جي إنه بيستخدم التعليم بالذكاء
الصناعي أو ال AI Deep learning algoritm لتكبير المحتوي اللي دقته أقل من 4K
و بيعمله upscale بشكل أدق و أفضل من خواريزميات المعالج ال A9 GEN 2 الموجود
في ال شاشه ال C9 لكن أنا ما جربتش الموضوع ده بشكل شخصي بصراحه
علشان أقدر الاحظ الفرق ده
بالأضافه لأن الشاشه ال CX بتيجى بالنسخه الأحدث من السوفت وير
ال WEB OS version 5 مش version 4.5 الموجود في الشاشه ال C9 و اللي فيه بعض المميزات الزياده زي ال Filmmaker mode اللي بيخليك تتفرج علي الفيلم بشكله
الواقعي زي ما المخرج عمله بصورته الأصليه بدون اي تحسينات إضافيه من الشاشه زى زيادة تركيز الألوان و تنعيم حركة الصوره و زيادة عدد الفريمات و هي كلها حاجات
ممكن تتظبط من ال settings في الشاشه ال C9 و لكن وجودها في مود واحد
بيعمل كل ده بشكل اوتوماتيك في السوفت وير الجديد بيسهل الإستخدام أكثر طبعا
و ده بالإضافه لمود الجيمز لل HGIG اللي بيحسن تجربه الـــ HDR Gaming لأنه
بيوجه كل موارد الشاشه لللعب وفق أعلى المعايير المخصصة لها. و المودين دول
موجودين في شاشات ال جي 2020 عموما مش الأوليد بس مع وجود البلو توث في الشاشتين فا السوفوير الأحدث برده في خاصية إنك توصل سماعتين بلوتوث
خارجيين علشان تعيش تجربه كامله للصوت ال سيرروند
نظام التشغيل
و كمان السوفت وير الأحدث ادائه اسرع في تحميل التطبيقات المختلفه
و ال user interface أو واجهة المستخدم منظمه أكثر
و إذا كنت من مستخدمين تليفونات أبل فالشاشتين عليهم airplay2 و تطبيق
Apple TV+ لمشاهدة أحدث العروض والأفلام الأصليه من ِapple tv
التعامل مع الحركه
و الشاشتين ال CX و ال C9 زي بعض في ال ريسبونس تايم و لكن بيختلفو
في خاصيه ال black frame insertion او BFI يعني إدراج الإطار الإسود وهو اوبشن
موجود في الشاشتين بنقدر نشغله او نلغيه و بدون الدخول في تفاصيل علميه
عميقه هو
وظيفته إنه بيدي نعومه أكثر للصوره بالأخص المشاهد اللي فيها حركة كاميرا
سريعه وفي البرامج الرياضيه عن طريق إدراج فريمات لونها إسود بين الفريمات الأصليه للمحتوي المعروض علي الشاشه
و الشاشه ال CX بتقدر تعمل كده في المحتوي ال 60 هيرتز و ال 120 هيرتز و
الشاشه ال C9 بتعمل كده في المحتوي ال 60 هيرتز بس
و الشاشتين بيدعمو خاصية ال VRR إختصارا لي Variable refresh rate و هي
خاصيه مهمه ل إللي بيلعب جيمز كثير و هي متوافقه مع ال X box one
و Invidia graphic cards و لكن الشاشه ال CX بتتميز علي ال C9 بدعمها
لخاصية ال Free sync اللي
بتفتقدها الشاشه ال C9 بالإضافه لإن الشاشه ال CX عندها القدره علي
إستقبال ال 4k VRR @120 Hz الصادر من ال HDMI 2.0 و لكن الشاشه ال
C9 مش عندها القدره دي و بتستقبل إشارات ال 4K VRR @ 60 Hz فقط
من ال HDMI 2
و طبعا لأن لسه ما فيش أجهزه بتدعم HDMI 2.1 نجرب عليها ال VRR فالمتوقع إن الشاشتين يستقبلو إشارات ال 4K VRR @ 120 Hz مع ال HDMI 2.1
تأخر الإدخال
و بالنسبه لل Input lag يعني تأخر الإدخال لو إنت أو إنتي جيمر محترف فالزياده
في ال Input lag هتبقي مشكله بالنسبالك لأن ده معناه سرعة إستجابه قليله من الشاشه للأوامر اللي بتجيلها من ذراع البلاي ستيشن او الإكس بوكس
و الشاشتين ممتازين في الموضوع ده و ال Input lag بتاعهم قليل جدا
حوالي 13 ملي ثانيه و هو مش الأسرع في العالم يعني لاكن مش هانواجه اي
مشكله معاهم في الموضوع ده
الصوت
اما بالنسبه للصوت فالشاشتين صوتهم حلو طبعا لاكنه أكيد مش أحسن حاجه
في مجال الصوتيات بشكل عام و الأفضل مع شاشه زي كده إن يكون في ساوند
سيستبم كامل أو علي الأقل ساوند بار و الشاشتين سماعاتهم بقوة 40 وات
2.2 channel
فا صوتها عالي طبعا و ممكن نلاحظ إن صوت البيز و الديستورشن في الصوت
العالي أفضل شويه في ال CX اللي بتدعم تقنية الدولبي اتموس فقط أما الشاشه
ال C9 بتدعم الدولبي اتموس و ال dtsx و لان الشاشتين بمداخل HDMi 2.1 eARC
فانقدر نمرر من خلالها إشارات الصوت الدولبي اتموس الي الساوند بار او الأوديو
ريسيفر لو بيدعمو التقنيه دي و كذلك إشارات الصوت ال DTS في الشاشه ال C9
و في مجمل الفروق بين الشاشتين نقدر نقول إنها فروق بسيطه جدا يعني
مفيش فروق عظيمه أو جوهريه بينهم تستدعى إنك تغير الشاشه ال C9 لو هي
عندك بالفعل
لكن لو لسه بتشتري فالتركيبه الجديده في ال شاشه ال CX هاتكون أفضل لأنها
بمعالج و سوفت وير أحدث
مواضيع ذات صله:
مواصفات الشاشه علي موقع سامسونج إضغط هنا
لمشاهدة فيديو أفضل 8 شاشات سمارت 43 بوصه إضغط هنا
لمعرفة أفضل 8 شاشات سمارت 55 بوصه هنا
إذا أردت الإطلاع علي مواصفات الشاشات بشكل مفصل اضغط هنا ,
إذا أردت متابعة مراجعات أحدث الأجهزه إضغط هنا
و لمعرفة أفضل أنواع التكييفات في 2020 إضغط هنا
و لمعرفة الفرق بين تقنية الصوت الدولبي اتموس و ال DTSX إضغط هنا
لمشاهدة فيديو أفضل 8 شاشات 43 بوصه بدقة FHD اضغط هنا
و لمشاهدة فيديو افضل 8 شاشات 32 بوصه اضغط هنا
ولمشاهدة فيديو فتح صندوق مروحة حائط سمارت اضغط هنا