افضل شاشة PS5 و Xbox Series X و احسن شاشة للالعاب افضل شاشة للالعاب 120hz
الجيل الجديد من الجيمينج كونسول يعني وحدات التحكم في الألعاب زي البلايستيشن 5 و الإكس بوكس سيريس إكس هايكونو أكثر قوه تقنيا و بصريا من الجيل الحالي بشكل ملحوظ و البلاي ستيشن 5 هينزل في 12 نوفمبر 2020 و سعرالنسخه الديجيتل منه 400 دولار والنسخه
الكامله 500 دولار او في حدود 15000 جنيه و الإكس بوكس هينزل برده في نفس الوقت و رينج الأسعار و بالتأكيد هايحتاجو لشاشات تلفزيون قويه برده تدعم التقنيات دي علشان توفرلك أحسن تجربة لي لعب الجيمز
مع مشاهده المحتوي اللي بتحبه من خدمات الأستريمينج المختلفه الموجوده عليهم.
و جيل البلاي ستيشن 4 برو و الإكس بوكس one X الموجودين دلوقتي أقصي قدره ليه إنه يوفرلك لعب
الجيمز بدقة 4K@ Native refresh rate 60 Hz و بينقل الصوره و الصوت الدولبي ديجيتال
سيرروند من خلال منفذ و كابل ال HDMI 2.0 لشاشة التلفزيون, و فيه طبعا موديلات شاشات 4K في
السوق كثير هاتأدي المهمه دي علي أكمل وجه هاقول عليها بعد دقايق
لكن الجيل الجديد قوته في إنه بيوفرلك لعب الجيمز بدقة 4K@ Native refresh rate 120 Hz
يعني بمعدل تحديث أصلي 120 إطارًا في الثانية و بتوصل لـ 8k@60 Hz مع نقل إشارات الصوت
الدولبي اتموس و ال DTSX بباند ويدث كامل لشاشة التلفزيون من خلال منفذ و كابل ال HDMI 2.1
و ده طبعا أحسن من نقل إشارات صوت الدولبي اتموس مضغوط في ملف دولبي Dolby Digital plus
علشان يشتغل مع مدخل ال HDMI 2.0
أول طلب:
أول طلبين فى افضل شاشة PS5 و Xbox Series X هما إن الشاشه تكون
بمدخل HDMI 2.1 و المدخل ده مشكلته إنه مش موجود في أي شاشه في السوق حاليا غير بدايتا من
موديلات 2019 لما ابتديت تعلن سامسونج عن أول شاشه بتدعم ال HDMI 2.1 في
الشاشه ال 8K Q900R لسوق المستهلك و في فئه شاشات ال هاي إند من ال جي وهي شاشات
ال OLED و ده معناه صرف كثير من حسابك في البنك طبعا
لكنهم ابتدو ينزلو في 2020 موديلات من شاشات التلفزيون سعرها أرخص شويه بجانب ماركات
تانيه ابتديت تظهر في موديلات 2020 زي سوني و فيزيو و هاقولكم علي كل موديلات الشاشات
دي بالتفصيل دلوقتي و إنشاء الله يكون في موديلات ارخص و أكثر السنه اللى جايه في موديلات 2021
ثانى طلب فى افضل شاشة PS5 و Xbox Series X
هو إن الشاشه تكون Native refresh rate 120 Hz @4K و ده موجود في شاشات
تلفزيون 4K كثير في السوق حلوه جدا للبلاي ستيشن 4 و4 برو و الإكس بوكس وان إكس و بتشغلهم
علي أقصى إعداداتهم مفيش مشكله و بتكون أفضل من الشاشات ال 60 Hz مع لعب الجيمز بشكل عام
و لكن مشكلتهم إنهم بمدخل HDMI 2.0
ولذلك فا هي تعتبر الحل البديل للشاشات الهاي إند الغاليه بالنسبه للبلاي ستيشن 5
و الإكس بوكس سيريس إكس و فى الحاله دي هانعامل الجهازين علي إنهم أجهزه جديده بتيكنولوجي
احدث و أداء أحسن, بمعني إنك تبقى عملت ابديت و نقله من ال PS4 أو الإكس بوكس وان إكس
لو هما عندك فعلا, بس الفكره إنك مش هتبقي مستفيد من أقصى طاقتهم مع بعض الألعاب يعنى
الموضوع برده راجع لى الألعاب اللى إنت بتلعبها و أكثر سرعه لعدد الفريمات فى الثانيه اللى ممكن
اللعبه توصلها
فى فيديو فيه شرح مفصل لمعنى ال Refresh Rate و إيه هو الريفريش ريت علشان لو حد
مش فاهم الموضوع ده ممكن يتفرج عليه برده
الإكس بوكس سيريس إكس بيتميز على البلاي ستيشن 5 السنادي علي مستوي الصوره بدعمه
لتيكنولوجي الدولبي فيجن HDR كاهارد وير و سوفت ويرمش من خلال السوفت وير بس و اللي
معناه إن أكيد الأداء و ال Performance هيبقي أحسن من الجيل الحالي من الإكس بوكس اللي
بيدعم الدولبي فيجن من خلال السوفت وير بس و ده لمشاهدة الأفلام من خدمات البث و الأستريمينج
المختلفه زي نتفليكس و امازون برايم أو حتي لو هاتشغله كا بلوراي DVD media Player
الجديد و المختلف السنادي, إن كمان هانقدر نلعب جيمز دولبي فيجن من خلال سوفت وير ابديت علي
اول 2021 حسب ما اعلنت شركه معامل دولبي Dolby laboratories و الموضوع ده لسه مش
هيفرق معانا كثير دلوقتي لأن كده كده لسه مافيش جيمز بتدعم الدولبي فيجن أصلا و لكن واضح إن 2021
هايبقي فيها طفره علي مستوي صورة الجيمز لأن دولبي قالت إن الدولبى فيجن السنادى هايكون سطوع
الإضاءه فيه أقوى 40 مره من قبل كده و إن درجات اللون الإسود هتبقي أعمق و أغمق 12 مره و إن
الطيف اللونى ها يوصل 12 Bit مش 10 Bit
ثالث طلب فى افضل شاشة PS5 و Xbox Series X
كل ده معناه في الأخر إنه هيحطك قدام الطلب الثالث في الشاشه و هو إنها تكون بتدعم
ال دولبي فيجن و ال HDR و لكن ده هيكون حسب إذا كنت هاتشتري إكس بوكس و لا بلاي ستيشن
لأن سوني هنا عندها كلام تاني و هقلكم ليه و لكن في الحالتين دعم الدولبي فيجن و ال HDR متوفر
برده في شاشات 4K كثير موجوده دلوقتي بمدخل HDMI 2.0 طبعا
كمان الطفره السنادي مش هاتكون علي مستوي الصوره بس و لكن هاتكون كمان علي مستوي
الصوت لأن مهما كانت اللعبه او الفيلم اللي بتشوفه صورته حلوه فا منغير صوت حلو برده مش هايبقي
ليه اي معني و لذلك الإكس بوكس سيريس إكس بيتميز علي البلاي ستيشن 5 بدعمه لتيكنولوجي
الدولبي أتموس 3D سيرروند ساوند
الدولبي اتموس موجود بالفعل في أجهزة إكس بوكس وان X بس مضغوط دولبي ديجيتال بلس زي
ما قولت من شويه و ميزة التيكنولوجي دي إنها هاتساعدك كا جيمر لو عندك ساوند بار متكامل
بي Support الدولبي اتموس بسماعات 5.1.2 أو 7.1.4 علي إنك تحدد إتجاه الأصوات حواليك
في الفراغ بشكل دقيق بالأخص في الشوتينج جيمز و الألعاب اللي فيها ضرب نار كثير من إتجاهات
مختلفه و اللي بالتأكيد هتعيش تجربة لعب معاه أكثر متعه و إحترافيه و إنغماس في أحداث اللعبه
بكده الإكس بوكس ها يكون أول جيمينج كونسول في العالم بيدعم التقنيتين مع بعض الصوره
الدولبي فيجن و الصوت الدولبي اتموس سيرووند ساوند و ده أرروند فلوس كثير طبعا لأن ده معناه
إننا قدام الطلب الرابع في الشاشه وهو إنك محتاج الشاشه تكون بتدعم الصوره الدولبي فيجن و الصوت الدولبي اتموس سيروند و ده برده حسب إذا كنت هاتشتري بلاي ستيشن 5 ولا إكس بوكس لأن سوني برده ليها
كلام تاني و في كلا الحالتين في برده شاشات 4k كثير دلوقتى متوفر فيهم الكلام ده
يعني تقدر تقول إن أصعب طلب هايوجهك في الحصول عليه و إنت بتشتري الشاشه هو
مدخل ال HDMI 2.1
طيب و سوني و البلاي ستيشن إيه موقفهم و ليه ليها كلام تاني ؟
فا موقفهم إن علي مستوي الصوره فا البلاي ستيشن 4 و 4 برو بيدعمو ال HDR10 مش الدولبي فيجن
و ده معناه إنك لوبتجيب شاشة تلفزيون مخصصه للبلاي ستيشن بس و قدامك شاشاتين وفي سعر أحسن
و أرخص لشاشه بتدعم ال HDR10 بس بدون الدولبي فيجن يبقي ده أكيد أحسنلك لأنك هتوفر فلوسك
في حاجه مش هاتستخدمها لكن لو بتشتري الشاشه لإستخدامات مختلفه يبقي وجود الدولبي فيجن هيبقي
مهم ليك و فى برده فيديو هاسيبلكم اللينك بتاعه عن الفرق بين الدولبى فيجن و ال HDR10
و سوني ما أعلنتش بشكل صريح هل البلاي ستيشن 5 هيدعم ال HDR10+ ولا لأ بما إنه أقرب
حاجه للدولبي فيجن زي ما أعلنت بشكل صريح إن علي مستوي الصوت مش هيدعمو الدولبي اتموس تاني
الموجود فعلا علي البلاى ستيشن 4 و 4 برو بس مضغوط دولبى ترو اتش دي لأنهم عاملين تيكنولوجي
جديده مشابهه للأتموس خاصه بسوني هانشوفها لأول مره في البلاي ستيشن 5 و اسمها Tempest 3D Audio tech اللي مفترض إن سوني بتقول إنها هاتكون أحسن من الدولبى اتموس
لكن طبعا لسه هنتاكد من الكلام ده لما الأجهزه تنزل السوق فعلا و نجربها
و ده طلب برده ممكن يأثر علي قرارنا و إحنا بنشتري شاشه مخصصه للبلاى استيشن 5 والمنطقه دي ضبابيه شويه عند سوني لأن
التيكنولوجي دي هاتكون شغاله معي إطلاق الجهاز في السوق علي سماعات الهيدفون الوايرلس
الجديده Puls 3d wireless head set اللي هاتكون الوسيله الوحيده اللي تسمع بيها
ال 3D Sound الجديد بتاعهم بأحسن أداء ليه
دي حاجه مش مفهومه من سوني لسه بصراحه و عليها علامات إستفهام كثير لأنها ما قالتش
إمتي بالظبط التيكنولوجي دي هاتشتغل علي الهوم ثيتر و الساوند بار لو موجودين عندى بالفعل و
اللي مش منطقي أكثر في رأي برده إني أكون شاري سيتاب سماعات دولبي اتموس بالاف الدولارات
و هما يعملو حاجه جديده محتاجه هارد وير تاني مثلا فا بصراحه هي حاجه غريبه من سوني إن يبقي
موقفهم إنك اكيد هاتسمع ال 3d sound بتاعنا علي سماعاتك في يوم من الأيام و لكن امتي بالظبط الله اعلم
ولكن في الأخر معني الكلام ده إنه هايودينا شويه لشاشات سامسونج مع البلاي ستيشن 4 و 5 لأنها بتدعم ال HDR10 و HDR10+ ولا تدعم الدولبي فيجن ولكنها بتدعم الدولبي اتموس الكامل من خلال منفذ HDMI eARC و لكن انا توقعى إن البلاي ستيشن 5 هيبقي زي اال 4 برو بصوت دولبى ترو إتش دي لأني ماعتقدش طبعا إنه هيبقي في Dawn grade لحد ال Dolby Digital Surround العادى
واللي عايز معلومات أكثر عن الدولبي اتموس فا الموضوع ده اتكلمت عنه قبل كده في فيديو الفرق بين الدولبي اتموس و ال DTSX فا ممكن تتفرجو عليه برده
خامس طلب
و الطلب الخامس فى افضل شاشة PS5 و Xbox Series X او و إنت بتشتري اي شاشة جيمينج عموما و هو ال Input lag القليل و الريسبونس تايم الأسرع علشان توصل لأفضل تجربة لعب بدون لاجينج
سادس طلب
و أخر طلب لـ فى افضل شاشة PS5 و Xbox Series X و هو دعم الشاشه لتيكنولوجي ال VRR أو ال Variable refresh rate و هي مهمه في حالة توصيل الشاشه على جيمينج كونسول و تيكنولوجى ال AMD Free Sync او Invidea Gsync اللي بتقلل الإسكرين تيرينج و مهمه أكثر لو بتوصل الشاشه على كمبيوتر في كارت شاشاه بيدعم نفس التيكنولوجى و ال 6 عناصر او ال 6 طلبات دول هيكونو أهم أولوياتك و إنت بتشتري اي شاشة جيمينج عموما
موديلات الشاشات
ودلوقتي جيه وقت افضل شاشة PS5 و Xbox Series X و أحسن مجموعة شاشات للجيمينج و اللي رأيي فيه بكل صراحه إنك لو بتشترى شاشه مخصوص للبلاي ستيشن 5 و الإكس بوكس الجديد علشان ال HDMI 2.1 فا رأيي إنك ما تشتريش السنادي و استنى موديلات 2021 علشان هيبقي فيه فئات سعريه أحسن و كمان تكون الناس و الشركات جربت التيكنولوجيات الجديده دي و ظبطط الشاشات أكثر لاكن لو مستعجل و مش هاتقدر تستنى فا هابتدي بالموديلات المتاحه حاليا و هابتدى بالأسعار الغاليه و بعدين الأرخص سعرا شويه
هايجي في المركز الأول شاشات ال جي ال OLED بأنواعها المختلفه من موديلات 2019 و 2020 زي في 2019 ال C9 و مقاساتها بتبتدى من 55 بوصه ل 77 بوصه و سعر ال 55 بوصه 34000 جنيه او 1500 دولار و بتيجي ب اربع مداخل HDMI2.1 مع Native refresh rate 4K@120 Hz و بتدعم ال Dolby Vision و ال HDR10 ولا تدعم ال HDR10+ مع دعمها للصوت الدولبي أتموس و ال DTSX و تيكنولوجي ال VRR و ال Gsync و لذلك فا هي مناسبه أكثر لي الإكس بوكس سيريس إكس و لتوصيلها بالكمبيوتر
ريسبونس تايم بتاعها مذهل و الأسرع في العالم و هو 1 ملي ثانيه و ده نتيجه لطبيعة تيكنولوجي ال Oled وال Input lag فيها 13 ملي ثانيه و هو مش الأسرع في العالم و لكنه سريع بما يكفى لأنك مستحيل تحس باى لاج
نفس المواصفات دي موجوده في الشاشه ال E9 و ال W9 بمقاسات 55 و 65 بوصه والإختلافات بينهم في التصميم الخارجي فقط و كذلك ال B9 بمقاسين 55 و 65 بوصه و سعر ال 55 بوصه 1200 دولار و هي تعتبر الفئه الأرخص سعرا في شاشات ال جي ال Oled لأنها بتيجي بمعالج السنه اللي قبلها بتاع 2018 و الموديلات دي ليها فيديو مراجعه مفصله أكثر عندي علي القناه إسمه مراجعة شاشات ال جي ال oled و سامسونج qled
بعد كده فيه في موديلات 2019
لي ال جي في الفئه الأرخص سعرا شويه وهي النانوسيل LG SM9500 بمقاس 65 بوصه فقط و سعرها 2000 دولار و ال جي SM9000 بمقاسات من 55 ل 86 بوصه و سعر ال 55 بوصه 900 دولار و الموديلات دي قليله أوي في مصر و منتشره أكثر في ال Gulf Area وبيجو بي 4 مداخل HDMI 2.1 و Native Refresh rate 4K @ 120 FPS مع دعم Dolby vision و HDR10 مش HDR10+ مع دعم الدولبي أتموس و ال DTSX وال VRR و ال Gsync وريسبونس تايم 13 ms مش 1.5 ملى ثانيه زي ال Oled و ده الفرق في السرعة بين تيكنولوجي ال Oled و النانو سيل و لكنها نفس ال Input lag 13 ms يعني الشاشه ال Oled بتنفذ الأوامر اسرع بحوالي 10 ملى ثانيه
أما باقي لاين النانوسيل 2019 زي ال SM8600 أو SM8100 فا هما refresh rate 4k @60 hz و HDMI 2.0 و هايبقو مناسبين أكثر للبلاى ستيشن 4 و 4 برو
و في موديل SM9770 8K و سعره حوالى 3000 دولار تقريبا و هو بأربع مداخل HDMI 2.1و 120 هيرتز بانل علشان لو حبيت تقرص علي البلاي ستيشن الجديد في حاجه 8K @ 60 HZ مع الأحتفاظ برده بفكرة إنها نانو سيل فا مش في قوة صورة الأوليد و مافيهاش VRR او Gsync زي موديلات الأوليد و النانوسيل اللي فاتو ولكنها بتدعم الصوت الدولبي اتموس و ال DTSX
موديلات 2019 في شركه سامسونج
و بالنسبه لموديلات 2019 في شركه سامسونج فا مفيش غير Q900R 8K بمقاسات من 55 لي 82 بوصه و أسعار من 2500 دولار لى ال 55 بوصه و بتىجى بمدخل واحد بس HDMI 2.1 و 3 مداخل HDMI 2.0 لأن واقتها دي كانت أول شاشه تلفزيون في العالم يبقي فيها مدخل HDMI2.1مع Native Refresh rate 120 هيرتز و لو هانقرنها بموديل ال الجي ال 8K فا هي أقوي منها في HDR Peak Brightness او أقصى شدة إضاءه لنور الشاشه مع المحتوى ال HDR
وكمان شاشة سامسونج ال 8K بتتميز علي الشاشه ال ال جي ال 8K في دعمها لتيكنولوجي VRR و ال AMD FreeSyn و زوايه الرؤيه فيها أفضل و لكن بتفتقد للدولبي اتموس و ال DTSX زي البلايستيشن ال 5 و لذلك فا هي أفضل طبعا للبلاي ستيشن كا سعر لأنها هتبقي أرخص شويه لأنها مافيهاش Dolby vision و فيها HDR10 و HDR10+ بس
و الموديل الثاني في سامسونج في 2019 هو ال Q90R و ده كان مفترض إن ليه Firmware update علشان يبقي HDMI 2.1 و مافيش اي اخبار عن الموضوع ده لسه لحد دلوقتي
اما باقي لاين الكيوليد ال Q80R و ال Q70R فا هما Refresh rate 120hz@4k و كلهم HDMI 2.0 و هيبقو مناسبين أكثر مع الجيل الحالى من الجيمينج كونسول و طبعا هايشتغلو علي البلاى ستيشن 5 و لكن مش هايكون شغال بأعلي إعداداته زي ما قولت قبل كده
و بالنسبه لموديلات 2020
في سامسونج عندهم الكيوليد Q70Tو مقاسات من 55 ل 85 بوصه و سعر ال 55 بوصه 850 دولار وQ80T من 49 ل 85 بوصه و سعر ال 49 بوصه 950 دولار و Q90T من مقاس 55 ل 85 بوصه و سعر ال 55 بوصه 1600 دولار و الثلث شاشات بيجو بمدخل و احد HDMI 2.1 و هو رابع مدخل و باقي المداخل HDMI 2.0 و كل الشاشات دي طبعا Native refresh rate 4k @ 120Hz و موديلات ال Q80T و Q90T أفضل من ال Q70T كا HDR peak brightness برده و زو ايا الرؤيه أحسن لأنهم واخدين الترا فيوينج انجل لاير و لكن كلهم بيدعمو الدولبي اتموس و ال HDR10 و ال HDR10+ و ال VRR و ال Free sync
و للأسف سامسونج ما عندهاش شاشات بمدخل HDMI 2.1 في شاشات الفئه الإقتصاديه ال 4K UHD زي ال TU8000 و ال TU7000 من لاين 2020 و ال RU7100 و RU7300 من لاين 2019 و كلهم refresh rate 4K@60 HZ و مناسبين أكثر برده للجيل الحالي من البلاىستيشن 4 برو و الإكس بوكس وان إكس
موديلات ال جي 2020
اما موديلات ال جي 2020 فا عندهم في فئة النانو سيل ال NANO 86 و مقاسات من 49 ل 75 بوصه و سعر ال 55 بوصه 850 دولار و NAN0 90 بمقاسات من 55 ل 86 بوصه و سعر ال 55 950 دولار و شاشات ال نانو سيل بتيجي بمدخلين HDMI 2.1 و هما 3 و رابع مدخل و الباقي HDMI 2.0 و الشاشتين بيدعمو ال VRR تيكنولوجى و دولبي اتموس و الدولبي فيجن و ال HDR10 لكن مافيش HDR10+ او Gsync و Free sync
ولكن شاشات السامسونج ال كيوليد أفضل من شاشات ال جي النانوسيل علي مستوى ال HDR peak brightness ودعمهم لي ال Free sync و في فيديو مقارنه مفصله أكثر بين موديل النانو 86 و الكيوليد Q70t عندى علي القناه ممكن تتفرجو عليه
و برده ال جي ماعندهاش شاشات بمدخل HDMI 2.1 في فئة الشاشات الإقتصاديه ال 4K UHD زي ال UN 7340 و فئة ال Un من لاين 2020 و ال UM 7095 و Um7340 من لاين 2019 و هما مناسبين أكثر برده لى الجيل الحالى من الجيمينج كونسول لأنهم Refresh rate 4k@60hz و يارب الفئه دي يبتدى ينزلها HDMI 2.1 في موديلات 2021 إنشاء الله
وفيه كمان في موديلات 2020
2020 السوني الX900H و مقاساتها من 55 ل 85 بوصه و سعر ال 55 بوصه 1000 دولار و هي أفضل كا ريسبونس تايم و Input lag من موديلين ال ال جي نانو سيل و من السامسونج Q70T و لكن ما نقدرش نقول إنها أحسن من ال Q80T او ال Q90T لأن هي ممكن يكون كواليتى الصوره فيها أحسن من السامسونج لاكن كاموشن هاندلينج السامسونج أحسن طبعا لأنها مافيهاش Vrr او Gsync و Free sync و السامسونج ال Inputlag فيها أقل فا الموضوع راجع لإختيارك فى الأخر وهي بتيجي ب 4 مداخل HDMI 2.1 و بتدعم الدولبي فيجن و ال HDR 10 ولا تدعم الدولبي أتموس و بتدعم الدولبي ديجيتال بس وواضح جدا إن سونى إبتديت تنفذ سياستها فعلا في عدم دعم الدولبى أتموس فى الشاشه دي و إنشاء الله أعمل فيديو مقارنه بينها و بين ال جي و سامسونج مفصل أكثر
شاشات ال جى oled
و فيه طبعا موديلات 2020 من شاشات ال جي الأوليد ال CX و ال GX و ال BX و ال WX و هما يعتبرو أفضل شاشات علي مستوي العالم لكل الإستخدامات و بيجو ب 4 مداخل HDMI 2.1 ما عدا ال BX مدخلين بس و بمعالج 2019 علشان تبقى أرخص سعرا شويه و ال جي أعلنت إن موديلات 2020 مدخل ال HDMI 2.1 فيهم حددو الباندويدث بتاعهم ل 40 GB/s مش الباند ويدث الكامل ال 48 GB/s زي موديلات 2019 و معرفش هما عمله كده ليه بصراحه و مش هانعرف تأثير ده غير لما البلاي ستيشن الجديد ينزل و نجربه لكنهم برده بيدعمو ال دولبي فيجن و ال HDR10 و الدولبى أتموس و ال VRR و ال Gsync و ال Freesync مش ال Gsync بس زى موديلات 2019
ومافيش موديلات تانيه قدامي حاليا بتيجي بمدخل HDMI 2.1 غير ال VIZIO P series quantum و VIZIO M8 series quantum و هما منتشرين أكثر في أمريكا و اوروبا و إنجلترا
و بالنسبه لي TCl فا كانت أعلنت في مؤتمر CES 2020 أن موديلاتها الجديده هاتدعم ال HDMI 2.1 بس ما شفتش حد إتكلم عنها لحد دلوقتي و ياريت برده لو حد يعرف أي موديلات أنا ما إتكلمتش عنها النهارده يكتبهلنا في التعليقات و زي ما قولت من شويه إن رأى في موضوع شراء شاشه للبلاى ستيشن 5 ده إن إحنا ما نستعجلش عليه السنادى و نستنا لما ينزل و نشوف موديلات 2021 إنشاء الله لما تنزل أعتقد هايبقي فيها Varity وتنوع أكثر شويه من السنادي
مواضيع ذات صله بـ افضل شاشة PS5 و Xbox Series X
مواصفات الشاشه علي موقع سامسونج إضغط هنا
لمشاهدة فيديو أفضل 8 شاشات سمارت 43 بوصه إضغط هنا
لمعرفة أفضل 8 شاشات سمارت 55 بوصه هنا
إذا أردت الإطلاع علي مواصفات الشاشات بشكل مفصل اضغط هنا ,
إذا أردت متابعة مراجعات أحدث الأجهزه إضغط هنا
و لمعرفة أفضل أنواع التكييفات في 2020 إضغط هنا
و لمعرفة الفرق بين تقنية الصوت الدولبي اتموس و ال DTSX إضغط هنا
لمشاهدة فيديو أفضل 8 شاشات 43 بوصه بدقة FHD اضغط هنا
و لمشاهدة فيديو افضل 8 شاشات 32 بوصه اضغط هنا
ولمشاهدة فيديو فتح صندوق مروحة حائط سمارت اضغط هنا
