ياماها YAS 209 ساوند بار و ياماها YAS 207 و الإختلافات بينهم

ياماها YAS 209 ساوند بار و ياماها YAS 207 من أفضل الساوند بار او شريط الصوت  فى الفئه
المتوسطه  و Yamaha  yas-209 بسعر 6500 جنيه مصرى على موقع سوق و 1850  ريال
سعودى على موقع مكتبة جرير  و 350 دولار امريكى على موقع امازون

و Yamaha yas-207 بسعر 6000 جنيه مصري و 1350 ريال سعودى و 300 دولار
امريكى و طبعا الأسعار دى وقت كتابة المقاله و وارد طبعا تختلف بعد كده  

وأهم عاملين بقيم علي اساسهم الساوند بار ده حلو ولا وحش هما طبعا عامل جودة صوته وعامل توفر
وسائل الإتصال أو ال Connectivity زي مداخل الوصلات  و  ال واي فاي و البلوتوث و الكلام ده و
بعد كده العوامل التانيه زي التصميم و المميزات و ال Features اللي فيه عموما و كل ده مقابل سعره طبعا

وموديل ال Yas-207 من إنتاج 2017 و هو ساوند بار 2.1  تشانل بقوة 200 وات و بيجي معاه وايرلس
صب ووفر متقسمين 50 وات لكل قناه و 100 وات للصب ووفر  و كان اول ساوند بار فى العالم يدعم
 الصوت ال DTS virtualx

و ياماها 209-yas من إنتاج 2019 وهو برده 2.1 تشانل بقوة 200 وات و بييجى معاه وايرلس صب
ووفر ومتقسمين 50 وات لكل قناه و  100 وات للصب ووفر

التصميم الخارجى لي ياماها YAS 209 ساوند بار و ياماها YAS 207

على مستوى التصميم الخارجي فا هانلاقى شويه تطوير فى التصميم الخارجى لى yas-209 زى إنهم
نقلو واجهه التحكم فوق و وشكلها بقى عصرى أكثر و وجود لمبات الإشاره فوق نقدر نقول إنه أفضل لأن
نورهم مش هايديئك و انت بتتفرج على التلفزيون زي ما يكونو في الوش زى ال yas-207 فا ممكن
يشتتو إنتباهك شويه بالأخص لو انت موطى نور الأوضه بتاعتك

كمان الساوند بار خد شكل دائرى و إنسيابى أكثر من الأجناب و شكله بقى أشيك فى راي من موديل
YAS-207 و الموديلين فيهم ميزة إنك تقدر تعلقهم على الحائط لو إنت معلق الشاشه مثلا لأن مكان
التعليق معمول حسابه فى ظهر ال ساوندبار

الموديلين مابنيين على جسم من البلاستيك ومن فوق الفينيش بتاعه بيكون واخد الشكل الكريسبي شويه زى
الجلد كده و من قدام متغطي بشبكه او جريل قماش و اللى ممكن بعض الناس ما تحبهاش لانها بتكون
صعبه فى التنظيف شويه او لو عندك قطه مثلا في البيت ممكن تلم شعر او تبقى سهلة القطع و فى
موديل ال Yamaha music cast bar 400 الشبكه دى بتكون معدن و أتكلمت عنه أكثر
فى فيديو أفضل 5 ساوند بار  و بالنسبه لتصميم الصب ووفر فى شوية إختلافات بسيطه فى الشكل بينهم
 لكن فى المجمل نقدر نقول إن البيلد كواليتى و جوده صناعتهم كويسه و ممتازه جدا

وسائل الإتصال فى موديلين ياماها YAS 209 ساوند بار و ياماها YAS 207

اما الإختلافات بينهم على مستوى ال Connectivity  او وسائل الإتصال  فالموديلين بييجو بي 2
مدخل HDMI  فيهم مدخل HDMI in  و  مخرج HDMI ARC و دى من أهم مميزاتهم كاساوند
بار بالسعر ده لان أغلب الساوند بار فى السعر ده بتكون بمخرج  HDMI arc  بس  و الموضوع ده
هاتستفيد منه لو عايز توصل ال DVD player  على الساوند بار على طول لو مثلا المداخل عندك فى
الشاشه كلها مليانه و مفيش مكان, او لو انت عايز تخلى معالجة الصوت على الساوند بار بشكل مباشر و
اللي ممكن تديلك جوده صوت أفضل من توصيل ال DVD player  علي الشاشه اللى ممكن تكون
معالجتها للصوت مش حلوه اوي فى بعض الموديلات القديمه شويه مثلا

و الموديلين بيدعمو تمرير إشارات الصوره  ال 4k@60 hz يعنى بيدعم ال Passthrough  عبر
ال HDMI بدقة 4k@60hz و لكن ال YAS-209  بيتفوق على 207  فى دعم تمرير إشارات
الصوره ال HDR10 مش ال HDR فقط

و لكن الموديلين لا يدعمو تمرير إشارات الصوره ال HDR10+ و الدولبى فيجن و لاكن دى طبعا تعتبر
حاجه متوقعه في الفئه السعريه دى و لكن هى حاجه مهمه واجب زكرها و جايز تفيدك او تفرق معاك
فى قرار الشراء بتاعك

ومع وجود مدخلين ال HDMI في الموديلين هانلاقى ال Yas 209  بيتميز مره تانيه على ال 207 فى
إنه بيدعم الأوامر الصوتيه من خلال امازون اليكسا اللى بيكون مدمج فى الساوندبار و بيكون فيه مايكين فى
الساوند بار من فوق بيستقبلو صوتك و إذا كان عندك قلق من موضوع الخصوصيه و الprivacy فا
هاتلاقى زرار ممكن تقفل منه المايكات و فى نفس الوقت لو حبيت تشغلها تانى ممكن تشغلها من زرار
اليكسا الموجود فى الريموت

دعم الأوامر الصوتيه فى ياماها YAS 209 ساوند بار و ياماها YAS 207

 و لكن ما فيش دعم لجوجل اسيستانت لحد دلوقتى و لسه مش واضح إذا كان ممكن يزودوه فى المستقبل
من سوفتوير ابديت ولا لأ و لكن فى هنا حاجه مهمه و هى إنك لازم تتاكد من البائع بخصوص دعم اليكسا
لأن حسب الموقع الرسمى لشركة ياماها بتقول إن من الممكن إن الخدمه دى تكون مش متوفره فى كل دول العالم

و بمناسبة الريموت فا من مميزات الريموت فى الموديلين إن فيهم زرار للتحكم فى فوليوم الصب ووفر بشكل
منفصل و برده فيه شوية تطويرات حصلت فى ريموت ال Yas-209 زى إنهم زودو زراير للتحكم فى
اوضاع الصوت او السيتينجز المسبقة الإعداد و اللى كانت فى موديل ال yas-207 موجوده على تطبيق
التليفون بس لاكن مالهمش زراير فى الريموت فا دلوقتى تقدر تتنقل بين السيتينجز دى بشكل اسرع زي
وضع الأفلام و التلفزيون و المزيكا و الأستريو و الألعاب و الرياضه و طبعا ميزة برده إنك تتحكم فيهم
من خلال تطبيق SOUND bar controller  الخاص بياماها ميزه ممتازه جدا مش موجوده فى ساوند بارز كثير
بالسعر ده و بتديلك تحكمات اكثر و اعمق شويه من الريموت كونترول

 بالإضافه لتميزموديل ال YAS-209  بوجود الواى فاى  2.4 جيجا هيرتز و فيه مدخل إيثرنت علي عكس
ال 207 اللي مافيهوش اوامر صوتيه او  واى فاى او اي تعامل مع الإنترنت خالص و الموضوع ده هيخليك
تقدر تسمع مزيكا من برامج الأستريمينج زى Spotify بشكل مباشر من الساوندبار على طول بإستخدام الأوامر الصوتيه من امازون اليكسا

و الموديلين فيهم مدخل  USB إستخدامه لي ال Updates  فقط و فيهم مخرج صوت اوبتيكال و
ال Yas 207  فيه مخرج سماعه هيدفون مش موجود فى ال 209  و ال yas 207 بيدعم البلوتوث
فيرجن 4.1 مش 4.2 زى ال 209

و بشكل عام نقدر نقول إن ال YAS-209 بيتفوق على ال 207 على مستوى ال connectivity و وسائل الإتصال وطبعا التفوق ده هيخليه اقتراح مشجع أكثر للشراء 

جودة الصوت فى ياماها YAS 209 ساوند بار و ياماها YAS 207

 والموديلين تقريبا صوتهم زى بعض و صوتهم رائع يا جماعه بصراحه  و حلو و متوازن و دبة البيز فيه جميله جدا مع الأفلام الأكشن حتي مع الصوت العالي و يعتبرو من الساوند بارز الحلوه مع سماع المزيكا الهاوس و ال HIP HOP و لكن طبعا هو مخصص أكثر للاماكن متوسطة الحجم يعنى تقدر تقول  مثلا غرفه مقاسها 5 متر فى 6 متراو اكبر شويه و لكن لو انت حاطط الشاشه و الساوندبار فى ريسيبشن او بيزمنت كبير ومساحته واسعه عن كده فا أنصحك تشوف موديلات تانيه تكون اقوى من 200 وات زى ال JBL اللي اتكلمت عنه  فى مقالة  أفضل 5 ساوند

 والموديلين  ال 209 و 207 بيجو بنفس تصميم السماعات اللى بيتكون من 4 سماعات midrange و 2 سماعات تويتر و الإختلاف بينهم فى حجم الصب ووفر اللى بقطر 16سم فى ال YAS 207 و بيكون أكبر فى حدود سم واحد فى ال 209   وهو فرق مش رهيب لكنه بيخلى ال frequency response او استجابه الصب ووفر افضل فى موديل ال  yas-209 و صوت البيز فيه افضل بشكل بسيط

نقاء صوت الحوار فى ياماها YAS 209 ساوند بار و ياماها YAS 207

وصوت الممثلين و الحوار في المودبلبن  ممتاز جدا وواضح على الرغم من إن زى ما قولت فى البدايه إن الموديلين 2.1 تشانل يعنى 2 قناه للصوت و قناه للصب ووفر فا مافيش قناه فيهم مخصصة للحوار زى أنظمة الساوندبار الأغلى سعرا اللى بتكون 3.1 تشانل او 5.1 تشانل و اللى بيكون فيهم قناه مخصصه لصوت الحوار

و هاتلاقى فى الريموت زرار اسمه Clear voice و اللى بيساعد جدا على زيادة توضيح صوت الحوار و ال vocals بالأخص لو بتتفرج على محتوي صوت تسجيله مش حلو او صوت الحوار فيه مكتوم شويه او المكان حواليك دوشه و مش سامع الكلام كويس

الصوت المحيطى

لكن على مستوى السيرروند و الصوت المحيطى فاأداؤه يعتبر متواضع شويه و مش الأفضل كا حال اي سوند بار 2.1 تشانل و بالأخص إنه كمان لا يدعم أضافة سماعات سيرروند خلفيه زى الموديل الأعلي من ياماها ال  musiccast bar 400 اللي اتكلمت عنه برده فى فيديو أفضل 5 ساوند بار و لو عايز ساوند بار تسمع منه صوت محيطى حلو لازم يكون 5.1 تشانل او على الأقل يكون بيجي او بيدعم إضافة سماعات وايرلس خلفيه

و الموديلين ال yas-209 و YAS-207 بيدعمو الصوت الدولبى ديحيتال و ال DTS Digital suuround و ال DTS virtual X و اللى ممكن نشغله من زرار 3D surround  وهو ميزته إنه بيحدد أكثر مصدر الأصوت بشكل إفتراضى , ولكنه طبعا مش فى جودة و دقة الساوند بار اللى بيدعم الصوت ال DTSX الكامل

مواضيع ذات صله:

مواصفات الشاشه علي موقع سامسونج إضغط هنا

لمشاهدة فيديو أفضل 8 شاشات سمارت 43 بوصه إضغط هنا 

لمعرفة أفضل 8 شاشات سمارت 55 بوصه هنا 

إذا أردت الإطلاع علي مواصفات الشاشات بشكل مفصل اضغط هنا ,

إذا أردت متابعة مراجعات أحدث الأجهزه إضغط هنا

و لمعرفة أفضل أنواع التكييفات في 2020 إضغط هنا 

و لمعرفة الفرق بين تقنية الصوت الدولبي اتموس و ال DTSX إضغط هنا

لمشاهدة فيديو أفضل 8 شاشات 43 بوصه بدقة FHD اضغط هنا 

و لمشاهدة فيديو افضل 8 شاشات 32 بوصه اضغط هنا 

ولمشاهدة فيديو فتح صندوق مروحة حائط سمارت اضغط هنا