ال جي LG sl4 ساوند بار و ساوند بار ال جي snh5 و الإختلاف بينهم

ساوند بار ال جي LG sl4 و ساوند بار ال جي snh5 من أفضل 2 ساوند بار تحت سعر
ال 5000 جنيه فهل الإختلافات بينهم تستاهل فعلا الفلوس الزياده اللى هاتدفع فى ال Upgrade
 ده ولا لا و أيه الأحسن فيهم ؟

الإختلافات بين ساوند بار ال جى SL4  و  سعره 3000  جنيه مصرى او 600 ريال سعودى او 200 دولار
علي حسب العروض الموجوده عليه علي المواقع المختلفه  و الساوند بار الثاني و هو ال جى  ال SNH5
 بسعر 4500  جنيه او 900 ريال سعودى او 300 دولار  و الأسعار مش دقيقه اوي لانها متفاوته جدا
من دوله لدوله و لكن انا اختارتلكم الموديلين دول تحديدا لأنهم يعتبرو من أفضل و ارخص موديلات
ال ساوند بار علشان الناس اللي سالتني علي موديلات يكون سعرها رخيص لان فى ناس كثير بتكون عاوزه
تسمع صوت افضل بكثير من صوت التلفزيون و فى نفس الوقت مش محتاجين لكل الأوبشنز اللي
بتكون فى الموديلات الأغلي سعرا شويه

مواصفات عامه ال جي LG sl4 و SNH5

وموديل ال جى SL4  من موديلات 2019 لساوند بارز ال جى و هو  2.1  تشانل بقوة 300 وات و بيجي
معاه وايرلس صب ووفر  و ال 300 وات متقسمين 50 وات لكل قناه و 200 وات للصب, و الوايرلس صب
معناه انه بيتوصل بال بار نفسه بدون سلك و فى نفس الوقت مازال ليه سلك باور كهرباء بتوصله باقرب فيشه كهرباء
فا عندك حريه إنك تحط الصب فى اي مكان فى الغرفه

و موديل SNH5  من موديلات 2020 و هو 4.1 تشانل بقوه 600 وات ومتقسمين 100 وات لكل قناه و
 200 وات للصب ووفر و لكنه wired صب ووفر يعنى بيتوصل بالبار نفسه بسلك مش وايرلس و
وفى الحاله دي مش بيحتاج سلك باور لانه بياخد الباور بتاعه من البار نفسه و ده من اول الإختلافات,
لأن أكيد بعض الناس ماتحبش التوصيل بسلك بسبب شكله ما بيكونش حلو و صعب تداريه او هيحكمك فى مكانه حسب طول السلك اللى بيجي معاه

مواصفات التصميم الخارجى لساوند بار ال جي LG sl4 و ساوند بار ال جي snh5

على مستوى التصميم الخارجي فا هانلاقى شويه تطوير فى التصميم الخارجى لى موديل SNH5  زى
إنهم نقلو واجهه التحكم فوق و وشكلها بقى عصرى أكثر بدل ما كانت فى الجنب زى موديل SL4 و
ده بسبب إنهم زودو فتحتين لخروج الصوت فى الأجناب مش موجودين فى موديل ال sl4 زي ما انت شايف و
كمان شاشة عرض البيانات اللى موجوده فى Sl4 فى الوش  باقيت Hidden او مخفيه ورا الجريل
الأمامى فى SNH5

و كمان SNH5 حجمه بقى أكبر و أضخم شويه و بقى اطول 10سم و اعلى 4 سم
و اعمق 4 سم عن موديل Sl4 فا حاول تقيس إرتفاع الشاشه بتاعتك علشان لو شاشتك قريبه اوى
من سطح المكان المحطوطه عليه ممكن ال SNH5 يبقى عالى حاجه بسيطه و يحجب الرؤيه عن
الشاشه, و لذلك حاول تاخد بالك من النقطه دى و انت بتشترى اي ساوندبار بشكل عام

 و الموديلين مابنيين على جسم من البلاستيك ومن فوق الفينيش بتاعهم شكله شيك جدا و من قدام متغطي
بشبكه او جريل معدن و دى ميزه كويسه مش موجوده فى ساوند بارز كثير فى الفئه السعريه دى لأن
الجريل القماش ممكن بعض الناس ما تحبوش لانه بيكون صعبه فى التنظيف شويه , و بالنسبه لتصميم الصب
ووفر فى شوية إختلافات  بينهم برده فى الشكل الخارجى و برده الصب ووفر بتاع ال SNH5 حجمه أكبر
شويه من ال SL4 يعنى أعرض 2 سم و اعمق 5 سم و نفس الأرتفاع و صندوق الصب مصنوع من
الخشب فى الموديلين و وموديل Sl4 بيتميز على SNH5f فى إنك تقدر تعلقهم علي الحائط عن طريق
الحامل المعدن المكون من قطعتين اللى بيكون موجود معاهم فى محتويات علبة الجهاز

وسائل الإتصال Connectivity فى بار ال جي LG sl4 و بار ال جي snh5

اما الإختلافات بينهم على مستوى ال Connectivity  او وسائل الإتصال  فاموديل SNH5
بييجى بي بلوتوث فيرجن 4.0  و مدخل صوت اوبتيكال و مدخل USB للتحديثات فقط
 و 2 مدخل HDMI  فيهم مدخل HDMI in  و  مخرج HDMI ARC و دى من أهم مميزاته
كاساوند بار بالسعر ده لان أغلب الساوند بار فى السعر ده بتكون بمخرج  HDMI arc  بس  و
الموضوع ده هاتستفيد منه لو عايز توصل ال DVD player  على الساوند بار على طول لو مثلا
المداخل عندك فى الشاشه كلها مليانه و مفيش مكان, او لو انت عايز تخلى معالجة الصوت على الساوند
بار بشكل مباشر و اللي ممكن تديلك جوده صوت أفضل من توصيل ال DVD player  علي الشاشه
اللى ممكن تكون معالجتها للصوت مش حلوه اوي فى بعض الموديلات القديمه شويه مثلا

ساوند بار ال جي LG sl4 و ساوند بار ال جي snh5 بمدخل HDMI 1.4 فقط !!!

بس لازم تاخد بالك إنهم مدخلين HDMI  اصدار 1.4  و ده معناه إن مدخل ال HDMI بيدعم تمرير
اشارات الصوره ال FHD فقط مش ال 4K يعنى بيدعم ال Passthrough   FHD@60hz
حتى لو ال DVD player  بتاعك مشغل محتوي 4k ووصلته على الساوند بار ده هيوصلك على الشاشه
بدقة FHD فقط و الموضوع هنا هيكون راجع لطبيعة استخدامك و بالطبع الموديلين لا يدعمو تمرير
إشارات الصوره ال HDR10 او HDR10+ او الدولبى فيجن و لاكن دى طبعا تعتبر حاجه متوقعه في الفئه
السعريه دى و لكن هى حاجه مهمه واجب زكرها و جايز تفيدك او تفرق معاك فى قرار الشراء

اما موديل Sl4  بييجي برده بى بلوتوث فيرجن 4 و مدخل صوت اوبتيكال و مدخل USB و لكن ال usb
 هنا نقدر نستخدمه لسماع المزيكا و لكنه بدون مداخل Hdmi خالص و دي من اهم نقط ضعفه لأن
لو تلفزيونك قديم شويه و مافيهوش مخرج صوت اوبتيكال يبقى مش هتعرف توصله بالتلفزيون خالص
و بالأخص كمان لو التلفزيون مافيهوش  Bluetooth و فى الحاله دى ممكن تجيبه كا جهاز صوته
حلو  لسماع المزيكا من التليفون بس و الموديل اللي بيجي بمدخلين HDMI اسمه SN4 و ده موديل
2020 بتاعه و هو نفس الشكل و  المواصفات لاكنه مش متوفر فى المنطقه العربيه اوي

موديلن بار ال جي LG sl4 و ال جي snh5 لا يدعمو الواي فاي WIFI

الموديلين لا يدعموا الإتصال بالأنترنت عبر الواى فاى او كابل اللان و بالطبع لا يدعمو الأوامر الصوتيه
سواء من خلال امازون اليكسا او جوجل اسيستانت و الأوبشن ده موجود فى الموديلات الأغلى سعرا شويه

طبعا الموديلين بيكون معاهم ريموت كونترول و لكنهم نفس الريموت مافيش إختلافات بينهم وبيشغلو
كل الوظائف الأساسيه فى الجهازين زى التنقل بين الأجهزه المختلفه المتوصله بيهم او إنك تختار اوضاع و
سيتينجز الصوت مسبقة الأعداد الموجوده عليهم   او أنك تتحكم في مستوى البيز و التريبل او فوليوم
الصب ووفر بالأضافه لأوبشن النايت مود اللي بيضغط الصوت شويه لو انت بتتفرج علي فيلم اكشن بليل
مثلا و مش عايز صوت الساوند بار يبقى عالي و مزعج لي اللي حواليك

بشكل عام نقدر نقول إن SNH5 أفضل من ال Sl4 على مستوى ال connectivity و وسائل الإتصال و
طبعا ده هيخليه اقتراح مشجع أكثر للشراء 

جودة الصوت

الموديلين بيدعمو الصوت الدولبي ديجيتال و ال DTS digital surround و لكن موديل ال
SNH5 بيتفوق علي ال Sl4 في دعم ال DTS virtual x و بيستخدم نظام الذكاء الصناعى
ال AI sound pro و هو نظام بيعمل عمليه تحليل لبيانات الصوت حسب المحتوى اللي شغال و
بيديلك أفضل معالجه للصوت بنائا علي نوع المحتوي اللي بتسمعه عليه

صوت الحوار

صوت الممثلين و الحوار في الموديلين  واضح و لكنه مش الأفضل فى مجال الساوند بار عموما لأن
الموديلين مافيهمش قناه مخصصه لصوت الحوار و مافيهمش خاصية clear voice الموجوده في
الموديلات الأغلي سعرا اللي بتساعد أكثر علي وضوح صوت الحوار

 نقدر نقول إن الموديلين  صوتهم متوازن و لكن التفوق طبعا هايكون لى ال SNH5 لان دبة البيز فيه
بدون الصب ووفر اقوى و ال ساوند stage فيه اوسع  وده بفضل تصميمه المختلف اللي بيسمح لخروج
الصوت من الجانبين  بالأضافه لأنه 4.1 تشانل مش 2.1 تشانل فاتوزيع السماعات فيه بيديلك
أحساس immersive و أكثر أنغماسا في الأحداث اللي بتتفرج عليها و بالأخص مع الأفلام
الأكشن و مع سماع المزيكا الهاوس و ال HIP HOP , نقدر نقول إن موديل ال SL4 مناسب أكثر
للاماكن الصغيره و المتوسطة الحجم يعنى مثلا غرفه مقاسها 5 متر فى 5 متراو اصغر  و لكن
لو انت حاطط الشاشه و الساوندبار فى   ريسيبشن او بيزمنت كبير ومساحته واسعه عن كده
فا ال SNH5 هيكون مناسب ليك أكثر او أنصحك تشوف موديلات تانيه زى ال   JBL bar 5.1
بالأخص لو إنت من الناس اللى بتعمل حفلات فيها ناس كثير فى البيت

الصوت المحيطي Surround

على مستوى السيرروند و الصوت المحيطى فا أداء ال SL4 أقل بشكل ملحوظ من ال SNH5 و يعتبر
متواضع شويه و مش الأفضل كا حال اي سوند بار 2.1 تشانل و بالأخص إنه كمان لا يدعم أضافة
سماعات سيرروند خلفيه زى الموديلات الأعلي من ال جي  

مواضيع ذات صله:

مواصفات الشاشه علي موقع سامسونج إضغط هنا

لمشاهدة فيديو أفضل 8 شاشات سمارت 43 بوصه إضغط هنا 

لمعرفة أفضل 8 شاشات سمارت 55 بوصه هنا 

إذا أردت الإطلاع علي مواصفات الشاشات بشكل مفصل اضغط هنا ,

إذا أردت متابعة مراجعات أحدث الأجهزه إضغط هنا

و لمعرفة أفضل أنواع التكييفات في 2020 إضغط هنا 

و لمعرفة الفرق بين تقنية الصوت الدولبي اتموس و ال DTSX إضغط هنا

لمشاهدة فيديو أفضل 8 شاشات 43 بوصه بدقة FHD اضغط هنا 

و لمشاهدة فيديو افضل 8 شاشات 32 بوصه اضغط هنا 

ولمشاهدة فيديو فتح صندوق مروحة حائط سمارت اضغط هنا