مروحة حائط سمارت مراجعه و فتح الصندوق
الفيديو ده unboxing أو فتح صندوق مروحة حائط سمارت
و طريقه تجميع و تركيب مروحة حائط سمارت و مراجعه لأهم مميزاتها و عيوبها و في أخر الفيديو ترشيحات
لأفضل 5 مراوح حائط بريموت كونترول فا يلا بينا نبدأ
الفيديو ده يا جماعه هيكون unboxing لمروحه حائط من شركه سمارت موديل SWF18R
و مراجعه لمواصفاتها و لرائ فيها بعد إستخدام أسبوع , و في الحقيقه حابب أوضح بس
إني مش بعمل إعلان للمروحه دي ولا حاجه و المروحه دي أنا شاريها للأستوديو عندي فعلا و عندي
اوضه فيه محتاجه مروحه و حبيت إني أشاركم تجربتي لأن أكيد في ناس محتاجه تعرف عنها معلومات
أكثر و كمان هرشحلكم برده أفضل 5 مراوح حائط بريموت كونترول و هسيبلكم لينكات الشراء بتاعتهم تحت الفيديو
و كان قراري اني اشتري مروحة حائط تحديدا لسببين أولهم إن المكان عندي ديق و مش عايز حاجه تعمل
زحمه فيه علي الأرض و السبب التاني إني حابب فكرة إن الهواء يبقى جاي من مكان عالي شويه و
ما يكونش جاي مباشر
و طبعا لقيت كم هائل من أنواع مروحة حائط في السوق لكن في النهايه إستقريت علي المروحه السمارت
لأنها كانت أفضل تصميم و شكل مروحة حائط و الريموت كونترول بتاعها و كقيمه مقابل سعر بالنسبه ليه
و اشترتها ب 520 جنيه من موقع سوق
و هي بقطر 18 بوصه و في طبعا براندات و ماركات ثانيه مقاس 16 بوصه بس صغيره و في 20
بوصه بس كبيره شويه فا 18 بوصه مقاس مناسب جدا لغرفه مقاس 4 متر * 4 متر أو 5 متر * 5 متر
بس لو المساحه أكبر من كده مقاس ال 20 بوصه هايكون أفضل
و مروحة حائط معاها ريموت كونترول هاتكلم عنه بالتفصيل دلوقتي
و موتورها بقوة 52 وات و لما نفتح الكرتونه هانلاقي ريشة المروحه و هي من البلاستيك الشفاف
بس شكله ضعيف شويه و سهل الكسر فا ده كان أول عيب أواجهه معاها بس أغلب المراوح ريشتها بلاستيك
و لكن بتتنوع بقي في قوة البلاستيك نفسه
وفي بعد كده الشبكه الأماميه و الخلفيه للمروحه و موتور و جسم المروحه و الجسم تصميمه أنيق و إنسيابي
وشكله كويس و فيه زراير تاتش لكل وظاءف المروحه و دي من مميزات المروحه دي والموتور نحاس
حسب ما الشركه كاتبه في مواصفات المروحه و المقصود بيها يعني ان ملف الكهرباء داخل الموتور بيكون سلك نحاس مش المونيوم و ده بيدي عمر إفتراضي أطول للموتور و يخليه ما يسخنش بسرعه و دي برده من
مميزات المروحه دي بصراحه و لو جربنا نشغل المروحه كده بدون الريشه سرعة الموتور هاتبدو بطيئه
و مش طبيعيه و لكن ده العادي في المراوح و في ورقة الضمان و هي ضمان سنتين و الريموت و أدوات
تثبيت المروحه علي الحائط .
و هنبتدي تركيب مروحة حائط بتركيب الشبكه الخلفيه و بنفك الجزئين دول بس ناخد بالنا ان الجزء اللي بيربط
الريشه بيربط شمال مش يمين زي المتعارف عليه و الجزء اللي بيربط الشبكه الخلفيه بيربط يمين زي الطبيعي
و في زي بروز او بينز كده علشان نظبط عليه اتجاه الشبكه الخلفيه و نربط و بعدين نركب الريشه و نربط
عليها و بعدين نركب الشبكه الأماميه و الشبكه الأماميه بتتثبت من الأبزيم الأبيض ده و هو بيركب كبس
كده يعني لازم نسمع صوت الكليك او التكه دي و هو برده من عيوب المروحه دي في رأي لأنه ضعيف
شويه و في طرق تانيه لتثبيت الجزء الأمامي ده من المروحه أفضل من كده و العيوب اللي باقولها علي
المروحه دي هانلاقيها محلوله بشكل أفضل في المراوح اللي هرشحهلكم في أخر الفيديو
و كده تكون المروحه ركبت بكل سهوله و جاهزة علي التعليق , طبعا بنخرم لل 3 مسامير اللي مع المروحه
بهيلتي او شنيور ببونطه 6 ممل و بنثبت الجزء ده و بعد كده نعلق المروحه .
طبعا يكون أفضل لو فيه فيشه كهرباء عاليه
او مصدر كهرباء قريب لان سلك المروحه طوله متر ونص و دي نقطه مهمه جدا في تركيب مروحة حائط
تحديدا علشان ما يحصلكمش اللي حصل معايا فا تضطر تعمل وصله طويله و يبقي شكلها مش حلو
ودلوقتي هنشغل المروحه من الريموت و نشوف الأوبشنز اللي فيها و هاندوس علي on هانسمع الصوت
ده اللي حاسسني إني مركب تكييف فا تمام يعني حاجه لطيفه برده و بنقفل من زرار اوف اللي باللون
ال orange ده و الغريب في الريموت ده و اللي باعتبره من العيوب انه الزرار اللي باللون
ال orange ده بيقفل بس مش بيفتح علي غير الطبيعي في اي ريموت جهاز كهربائى انه بيفتح و
يقفل من نفس الزرار اللي لونه مميز و مش فاهم هما ملخبطنا ليه بصراح اقفل من زرار و افتح من زرار
و اجي افتح اقفل و اجي اقفل افتح و حركه مش سمارت خالص بصراحه يا شركة سمارت
المهم يعني شغلنا المروحه فيها طبعا 3 سرعات بيتغيرو من زرار on و الزرار اللي بعده Mode
بينقلنا من المود العادي اللي بتشتغل عليه المروحه ب 3 سرعات ثابتين الي مود NOR إختصار لنورمال
او طبيعي و جايه من الهواء الطبيعي لان المود ده لو المروحه شغاله عليه و هي علي تالت سرعه بتبدل
اوتوماتيك بين ال 3 سرعات وتقف سواني و ترجع تشتغل تاني بين ال 3 سرعات زي ما انتم شايفين
كده و أعتقد سامعين صوت الموتور برده و هو بيتغير و لو المروحه مظبوطه علي ثاني سرعه
هتبدل مابين السرعه الثانيه و الأولي و الأيقاف و لو علي اول سرعه هتبدل بين أول سرعه و الأيقاف
بعد كده المود التاني بتاع Sleep و المود ده لوشغلناه من غير التايمر بيشتغل زي المود اللي قبله بتاع
nor و لو شغلناه و التايمر شغال و هي مظبوطه علي 3 سرعه هاتبدل اوتوماتيك بين ال 3 سرعات
اول نص ساعه و تقف نص ساعه و بعدين تشتغل نص ساعه ما بيت أول سرعتين و بعدين تقف نص
ساعه و بعدين تشتغل علي اول سرعه باقي الوقت في التايمر و المود ده ميزته انه بيقلل إزعاج المروحه
من صوت و هواء أثناء النوم و كمان بيقلل استهلاك الكهرباء لان المروحه مش بتفضل شغاله علي
نفس السرعه ال 7 او 8 ساعات نوم
و في زرار التايمر و بنختار منه ظبط الوقت
لحد سبع ساعات و نص لكن لو بصينا عل المروحه نفسها هانلاقي فيه 4 لمبات إشاره عند نص
ساعه و ساعه و ساعتين و أربع ساعات فا اول دوسه زرار بتكون نص ساعه و تاني دوسه ساعه
و ثالث دوسه ساعه و نص و رابع دوسه ساعتين و 5 دوسه ساعتين و نص و سادس دوسه 3 ساعات
لحد ما نوصل ل سبع ساعات و نص و بيكون الأربع لمبات بتوع الأشاره منورين
و هي عموما مروحه صوتها هادي يعني مش مزعجه و بغض النظر عن العيوب اللي اتكلمت عنها
فا انا مستمتع بيها جدا و شغاله كويس الحمد لله و ارشحها لأي حد بس في الأستخدامات المنزليه
أكثر من الإستخدامات التجاريه زي في المحلات و الكلام ده دلوقتي وقت ترشيحات أفضل 5 مراوح
و في المركز الأول
مروحه تورنيدو 18 بوصه بضمان 5 سنين من شركه العربي و طبعا كل ما تزيد
مدة الضمان ده بيديني ثقه أكبر في المنتج و في جودة تصنيعه وسعرها 750 جنيه
و المركز الثاني المروحه توشيبا مقاس 16 بوصه بضمان 5 سنين برده من شركة العربي و سعرها 750 جنيه
و في المركز الثالث المروحه فريش الشبح 18 بوصه بضمان سنه و سعرها 650 جنيه
و في المركز الرابع المروحه سمارت 18 بوصه بضمان سنتين و سعرها 520 جنيه
و في المركز الخامس المروحه جروهي 18 بوصه بضمان سنه من اليكترونيك هاوس و سعرها 420 جنيه
و المراوح كلها ريشه بلاستيك ما عدا الفريش ريشه معدن و جسم حديد مش بلاستيك لكن ضمان سنه
قليل شويه بالنسبه لباقي المنافسين و كل المواتير بتاعتهم من 50 ل 65 وات أقصي حاجه فالفروق
بينهم مش لدرجه الرهيبه و لكن الخامات المستخدمه في مراوح توشيبا و تورنيدو أفضل شويه و دي
ترشيحاتي لأشهر المراوح في السوق المصري وطبعا أنا مش ملم بكل الأنواع في السوق او هل في انواع
أفضل من كده ولا لاء فاياريت تشاركوني بتجاربكم وأرائكم في التعليقات
