معنى معدل تحديث الشاشه ما هو Refresh rate معنى ريفريش ريت 120 Hz

قبل معنى معدل تحديث الشاشه  فى الأول لازم نعرف إن الصوره المتحركه زى صورة الأفلام و
المسلسلات مثلا هى عباره عن سلسله من الصور أو الفريمات الثابته اللى بتتعرض ورا بعض و شاشة
التلفزيون وظيفتها إنها بتعرض السلسله دى من الصور الثابته ورا بعض بسرعه جدا و ال Refresh Rate
 يعنى معدل التحديث هو عدد المرات في الثانيه الواحده اللي شاشه بتجدد او بتغير فيه الصوره
المعروضه عليها سواء إذا كانت صوره متحركه زى صورة الأفلام و المسلسلات و الجيمز فا عينك و مخك
بيعملو الخداع البصرى و بيخلوك تشوفها صوره متحركه  أو حتى لو صوره ثابته زى صورة الخلفيه او ال Wallpaper علي التليفون  او الديسك توب علي الكمبيوتر عندك اللي هي في حقيقتها صوره بتكرر
بعدد مرات معين في الثانيه فا عينك و مخك بيهيئولك برده  إن هى ثابته فا بتشوفها ثابته

و سرعه تحديث الشاشه دي بتتقاس بالهيرتز و هى منفصله عن ال Frame / second أو فيه ناس كثير
بتخلط بينها و بين سرعة الفريمات فى الثانيه الواحده و سرعة الفريمات فى الثانيه الواحده هى اللي بتكون
جايه من المصدر المتوصل بالشاشه سواء إذا كان كمبيوتر او  DVD player  او غيرها من الأجهزه و
سرعة ال FPS أو ال Frame per second  بنستخدمها او بنقولها على المحتوى المصور او اللى
هايتعرض على الشاشه  يعنى بنقول مثلا الفيلم ده 24 FPS او الفيلم ده متصور بسرعة 24 فريم في الثانيه
او اللعبه دي بنلعبها بسرعة  60 فريم في الثانيه او اللعبه دى بنلعلها بسرعة 120 فريم في الثانيه الواحده و الريفريش ريت اللى بيتقاس بالهيرتز بنستخدمه لما نبقى بنتكلم عن سرعه الشاشه نفسها

معنى معدل تحديث الشاشه

يعنى لما بنقول إن الشاشه دى  ال refresh rate  بتاعها   4K@60 hz يعنى الشاشه دى عندها القدره او مصممه لأنها تغير أو تحدث  و تعيد رسم الصوره عليها اللي بدقة 4K 60 مرة فى الثانيه الواحده

اما لو الشاشه 4K@120 Hz فا ده معناه إن الشاشه عندها القدره او مصممه لأنها تحدث و تغير أو تعيد
رسم الصوره عليها بسرعة 120 مره فى الثانيه الواحده  

و كل ما بيزيد الريفريش ريت للشاشه كل ما بتكون حركة الصوره على الشاشه سلسه أكثر و أنعم و مافيهاش
خيالات او الMotion blur  و ضباية الحركه بتقل جدا عليها و الموضوع ده تأثيره بيبان أكثر في لعب
الجيمز اللي فيها حركه سريعه اوى او في مشاهدة البرامج الرياضيه او اى حاجه بتكون حركتها سريعه علي
الشاشه لاكن لو بتتفرج دايما على أفلام و مسلسلات و برامج توك شو و الكلام ده فا صعب اوى إن عينك
تلاحظ أى فرق بين شاشه 60 هيرتز او شاشه 120 هيرتز او حتى اسرع من كده

و لذلك الشركات المصنعه للتلفزيونات ابتديت تلعب على المنطقه دى في الماركتينج و التسويق لشاشاتها

بال Fake refresh rate  او الريفريش ريت الكاذب اللي مش حقيقي او المصطنع بالذكاء الصناعى علشان
تحقق مبيعات أكثر بمعنى مثلا إن ما فيش شركه بتكتب في مواصفات شاشاتها بشكل صريح إنها شاشه 60
هيرتز او 120 هيرتز

يعنى شاشات ال جى تلاقيهم كاتبين إنها True motion 120  يعنى هي شاشه 60  هيرتز و بتستخدم تيكنولوجي ال True motion  اللي بتضاعف عدد فريمات المحتوى المعروض عليها من 60 هيرتز
لى 120 هيرتز يعنى بتكرر كل فريم مرتين علشان تقلل ال motion blur  او ضبابية الحركه

و شاشات سامسونج تلاقيهم كاتبين Motion Rate 120 للشاشات ال 60 هيرتز او Motion rate 240 للشاشات ال 120 هيرتزعلشان هما عارفين و متاكدين تماما إن الناس دايما بتجرى ورا الأرقام العاليه

و فى شاشات سونى الموضوع معقد أكثر شويه لانهم في أغلب الوقت مش بيكتبوا اى ارقام خالص او بيكتبو
مثلا Motion Flow xr 240  للشاشات ال 60 هيرتز أو Motionflow XR 1440 للشاشات
ال 120 هيرتز

و شاشات TCL بيكتبو Clear motion index 60/120 hz cmi للشاشات ال 60 هيرتز

فا ايا كان إسم التيكنولوجى اللي شركه بتستخدمها فا هى كلها تيكنولوجيز بتندرج تحت إسم ال Effective refresh rate  اللى بتعالج بيها قضية ال Motion Blur  او ضبابيه الحركه و بتزود بيها نعومة و
سلاسة حركة الصوره

و فى الواقع كل التيكنولوجيات دى بتستخدم غالبا طريقه من ال الثلاث طرق المشهورين فى المجال ده زى
إنها تكرر نفس الفريم مرتين بمعنى إن الشاشه تكرر فريمات المحتوى ال 60 هيرتز مرتين فا يبقى محتوى 120
هيرتز و هى طريقه مش فعاله اوى

الطريقه الثانيه

و هى ال   Frame interpolationو هى إن التلفزيون بيستخدم الذكاء الصناعى فى إنه يصنع فريم جديد تماما مهجن من الفريم المعروض قبله و الفريم المعروض بعده و الحركه دي بتخدع عقلك بما فيه الكفايه  و في نفس الوقت من غير ما تبوظ ملامح الصوره الأصليه اعتمادًا على مدى قوة ال Frame interpolation   من شاشاة للثانيه و لكن الطريقه دى مع مشاهدة الأفلام تحديدا ليها عيب مشهور إسمه ال Soap opera effect بمعنى إنهى بتخلى صوره الفيلم ناعمه اوى لدرجة إنك تحس إنك بتتفرج على مسلسل او برنامج مش على فيلم سينما و فى ناس بالنسبالها الموضوع ده عادى مش بيديقهم و لكن بيدايق أكثر اللي بيحبو السينما و بيتفرجو على افلام كثير و فى أغلب الوقت ده بيكون اوبشن فى الشاشه ممكن تشغله او تقفله  او تتحكم فى قوته بمزاجك حسب طبعا كل شاشه و الموديل بتاعها و هل فيها الأوبشن ده ولا لأ

الطريقه الثالثة

و هى ال BFI إختصار لي Black frame insertion أو إدراج الإطار الإسود  عن  طريق ال Scanning Back light  اللى بيطفى الإضاءة الخلفيه للشاشه كله او جزء منه لأقل من الملى ثانيه أكنه دخل فريم إسود بين الفريم اللي قابلة و اللي بعده و الطريقه دى برده ساعات بتدايق بعض الناس اللى عنيها حساسه لى الإضاءة الخلفيه الوامضه و بتكون مزعجه ليهم

لذلك لما بتبقى الشاشه ال Native refresh rate  بتاعها 120 هيرتز يعنى 120 هيرتز أصليين مش Fake  ده بيكون أحسن لمعالجة ضبابية الحركه فى الصوره و أريح للعين و لكن زى ما قولت من شويه إن
ضبابية الحركه دى  صعب اوى انها تفرق معاك او تلاحظها لو إنت بتتفرج على برامج توك شو و مسلسلات و افلام و لكن هاتفرق معاك و هاتبتدى تلاحظها و إنت بتلعب جيمز أكثر و ممكن تلاحظها بسيط فى مشاهدة البرامج الرىاضيه

و موضوع الريفريش ريت ده هاينقلنا لى تيكنولوجى ال VRR و ال Gsync  و ال Free sync اللى ليهم
علاقه قويه بالريفريش ريت فى الشاشه

بمعنى إن انت دلوقتى بتلعب جيم على الإكس بوكس أو الكمبيوتر و موصله على شاشه 120 هيرتز و الجيم ده سرعة الفريمات فيه طالعه نازله ما بين ال 60 و ال 80 فريم فا الفرق فى عدد الفريمات ده وارد جدا إنه يعمل Screen tearing يعنى نلاقى الجيم صورته بتقطع او إنك تشوف نص الشاشه من فريم و نص الشاشه
التاني من فريم تانى و هنا بييجى دور تيكنولوجى ال VRR إختصار لى Variable refresh rate  أو
معدل التحديث المتغير و وظيفة التيكنولوجى دى إنها بتظبط  الريفريش ريت بتاع الشاشه اوتوماتيك مع سرعة الفريمات اللى جايلها من الكمبيوتر او الجيمينج كونسول فا بتنسق السرعه ما بينهم  وبين  الشاشه و بكده تعيش
تجربة لعب افضل من غير تقطيع فى الصوره

معنى معدل تحديث الشاشه

والتيكنولوجى دى في منها ثلاث أنواع

ال Gsync  و هى تيكنولوجى خاصه بشركة Invidia  الشهيره جدا طبعا فى مجال كروت الشاشه و الجرافيكس للكمبيوتر يعنى لازم تكون شاشة التلفزيون بتدعم ال Gsync علشان توصلها على كمبيوتر فى كارت شاشه من إنفيديا بيدعم ال G sync  برده علشان تستفيد من التيكنولوجى دي

و النوع الثانى و هو ال AMD Freesync المنافس الشرس لشركة invidea و برده نفس الموضوع
لازم الشاشه تكون بتدعم ال Free sync  زى شاشات سامسونج و ده طبعا حسب موديل كل شاشه و تكون
برده متوصله على كمبيوتر بكارت شاشه من AMD بيدعم ال Free sync

و النوع الثالث و هو ال HDMI forum Vrr او ال HDMI VRR و ده بيكون جزء من مواصفات ال HDMI 2.1 و بعض الموديلات القليله اوى من التلفزيونات اللى فيها HDMI vrr على مدخل ال HDMI 2.0 و النوع ده معمول علشان لو الشاشه او الجيمينج كونسول ما فيهمش Gsync او Free sync فا يبقى فى وسيله برده للتنسيق بينها و بين الشاشه

طيب إيه الجيمينج كونسول اللى بتدعم ال vrr ؟

فا الجيل الحالى من الجبمينج كونسول اللى بيدعم ال Vrr  هو ال Xbox one x و ال Xbox one s
و لكن ما فيش اى جيل من البلاى ستيشن 4 او حتى ال 4 برو بيدعم التيكنولوجي دى

و ال Xbox one x  و ال Xbox one s  بيدعمو كمان ال Amd free sync و ده بيشتغل اوتوماتيك لو الجهاز اتوصل على تلفزيون بيدعم ال amd free sync و لو التلفزيون ما فيهوش Amd free sync فا ال Xbox بيشتغل اوتوماتيك على HDMI VRR

طبعا نفس الكلام بالنسبه لى الجيل الجديد من ال Xbox series x و ال Xbox series s و لكن بالنسبه لى بلاى ستيشن 5 فا الموضوع لسه ضبابى شويه لأنه مش مكتوب و معلن عنه بشكل صريح فى مواصفات الجهاز و لكن المتوقع إنه على الأقل يكون بيدعم ال Hdmi Vrr بما إنه جزء من مواصفات ال HDMi 2.1

معنى معدل تحديث الشاشه

مواضيع ذات صله:

مواصفات الشاشه علي موقع سامسونج إضغط هنا

لمشاهدة فيديو أفضل 8 شاشات سمارت 43 بوصه إضغط هنا 

لمعرفة أفضل 8 شاشات سمارت 55 بوصه هنا 

إذا أردت الإطلاع علي مواصفات الشاشات بشكل مفصل اضغط هنا ,

إذا أردت متابعة مراجعات أحدث الأجهزه إضغط هنا

و لمعرفة أفضل أنواع التكييفات في 2020 إضغط هنا 

و لمعرفة الفرق بين تقنية الصوت الدولبي اتموس و ال DTSX إضغط هنا

لمشاهدة فيديو أفضل 8 شاشات 43 بوصه بدقة FHD اضغط هنا 

و لمشاهدة فيديو افضل 8 شاشات 32 بوصه اضغط هنا 

ولمشاهدة فيديو فتح صندوق مروحة حائط سمارت اضغط هنا