سامسونج Q80t و Q90T مقارنه أهم الإختلافات بين مواصفاتهم

سامسونج Q80t و Q90T هم أفضل شاشات الكيوليد فى 2020 و هتكلم فى هذه المقاله عن اهم الإختلافات بينهم.

المقاسات المتاحه من الشاشتين سامسونج Q80t و Q90T و أسعارهم

شاشه سامسونج  Q90T من شاشات الفلاج شيب بتاعة سامسونج 2020 و متوفره بمقاسات من 55 بوصه
الي 85 بوصه و سعرها بيبتدي من 1300 دولار لمقاس ال 55 بوصه لي 3500 دولار لي ال 85 بوصه.

شاشة سامسونج Q80T متوفره بمقاسات من 49 بوصه الى 85 بوصه  و سعرها بيبتدى من 1000 دولار
لي ال 49 بوصه لي 3300 دولار لى ال 85 بوصه.

نظام التشغيل فى شاشات سامسونج Q80t و Q90T

الشاشتين بيشتغلو بأحدث إصدار من نظام تشغيل تايزن 5.5 الخاص بشاشات سامسونج و طبعا بتدعم
الأوامر الصوتيه من خلال المساعد الشخصي بيكسبي الخاص بسامسونج مع دعمها لجوجل اسيستانت و
امازون اليكسا و Airplay 2 لسهولة إتصالها بتليفونات الأي فون و كل ده بدعم من المعالج القوي AI quantum processor 4K.

التصميم الخارجى لشاشات سامسونج Q80t و Q90T

اما تصميم الشاشتين فهما بييجو بال سنتر ستاند اللي في نص الشاشه اللي بيكون شكله اشيك من الرجلتين
اللي بيكونو يمين و شمال الشاشه الا ان السنتر ستاند مش بيدى نفس الثبات للشاشه زى الأستاند الرجل و
لكن فى نفس الوقت ميزته إنك تقدر تحط الشاشه على ترابيزه مقاسها أصغر شويه.

لكن علي اى حال فا التصميم الخارجى للشاشتين مختلفين عن بعض  تماما بمعنى إن السنتر إستاند فى
ال Q90T شكله مختلف عن ال Q80T و اعرض شويه في الجزء اللي في النص و بيدى ثبات أكثر للشاشه
من إستاند ال Q80T و صعب إن الشاشه تتهز من اى خبطه زى ال Q80T اللي ممكن تتهز بسهوله شويه
عنها و الأستاند في الشاشتين مصنوع من المعدن و البلاستيك القوي في الجزء الخلفي منه.

تاني إختلاف في التصميم في تخانة الشاشه و اللي بيكون أرفع فى الشاشه ال Q90T من الشاشه ال Q80T اللي ضهرها بيجي بشكل كيرفى شويه مش فلات زى ال Q90T.

لكن البيزيلز فى الشاشتين رفيعين جدا و زي بعض تقريبا و بيدو الشاشه شكل Primium جدا بالأخص لو
الشاشه متعلقه علي الحائط.

تصميم الظهر فى شاشة سامسونج Q80t و Q90T

ظهرالشاشتين مصنوع من البلاستيك و الأستاند بتاعهم فيه مكان لتنظيم الكابلات او
ال Cable management  و كمان ظهر الشاشه محفور فيه مكان تمشى فيه الكابلات علشان
تكون منظمه حتي لو الشاشه متعلقه علي الحائط

الريموت كنترول بتاعهم زي بعض برده و لكن الQ90T بتتميز على ال Q80T بإن التحكم فيها بيكون
من 5 زراير في نص الشاشه مش زرار واحد بيشغل كل و ظائف الشاشه من خلال سلسه من الدوسات
الطويله و القصيره و اللي بالتاكيد هيخلي التعامل مع الشاشه ال Q90T  بدون ريموت هيكون أسهل بكثير
من ال Q80T.

ظهر الشاشتين هاتلاقى طبعا في أختلافات بينهم كثير في شكل الظهر لكن مداخل و مخارج الوصلات كلها مداخل جانبيه ما فيش حاجه في الظهر و ده بيسهل إستخدامهم أكثر بالأخص لو الشاشه متعلقة
علي الحائط و الشاشتين زي بعض  بيدعمو ال واى فاى 2.4  و 5 جيجا هيرتز و فيهم  مدخلين USB و
مخرج صوت اوبتيكال و 4 مداخل HDMI فيهم مدخل واحد HDMI 2.1 اللي مرسوم عليه علامة
ال Game controller و ال ثالاث مداخل الباقيين Hdmi 2.0 فيهم مدخل eARC  و مدخل كابل
لان و  مدخل تلفزيون أرضي ديجيتال.

جودة الصوره فى سامسونج Q80t و Q90T

 و علي مستوي جودة الصوره فا علي الرغم من إن الشاشتين VA Panel 10-Bit 120 Hz native refresh rate  و عليهم Ultra Viewing angle layer  اللي بتحسن من زوايا الرؤيه للشاشتين
بشكل كبير لدرجة إنها بتخلي زوايا الرؤيه فيها أحسن من الشاشات ال IPS بانل اللي بيبقى معروف عنها جودة زوايا الرؤيه بالأخص في الأماكن الواسعه اللي القاعده قدام الشاشه فيها بتكون علي مساحه عريضه.

 مع دعم الشاشتين لي HDR10 و ال HDR10+ و ال Full array local Dimming  اللي بيحسن
من جودة الصوره بشكل كبير لكن كعادة سامسونج لسه ما عندهاش دعم لي الدولبى فيجن في شاشاتهم و اللي بعتبرو نوع من العار علي سامسونج إنهم يبقو في 2020 و لسه مش بيدعمو الدولبي فيجن  في شاشاتهم.

 إلا إننا بنلاقى الشاشه Q90T بتتفوق علي ال Q80T  في جودة الصوره بشكل ملحوظ لأكثر من سبب زي مثلا  الكونتراست ريشيو الأفضل و اللي بيوصل لي 1:10500 فى ال Q90T مش 1:4200  في ال Q80T و ده
معناه إن درجات اللون الإسود هتبقى أعمق و أشد سوادا شويه فى ال Q90T  مع وضوح أكثر للتفاصيل فى المناطق شديدة الظلام او شديدة الإضاءه فى الصوره بالأخص مع المحتوي ال HDR  لكن طبعا ده مش معناه إن ال Q80T صورتها و حشه بالعكس هي حلوه جدا برده.  

تعامل الشاشتين سامسونج Q80t و Q90T مع الإنعكاسات الخارجيه

اما بالنسبه لتعامل الشاشتين مع الإنعكاسات الخارجيه اللي بتيجى عليها من مصادر النور زى الشمس اللي جايه من الشبابيك الكبيره و اللي بيكون عامل مهم بالأخص لو أغلب مشاهدتك للتلفزيون بالنهار فى مكان مضىء جدا.

فا الشاشتين اداؤهم أكثر من ممتاز في قدرتهم علي التغلب و إمتصاص الإنعكاسات اللي بتيجي عليهم من مصادر النور المختلفه و لكن ممكن نلاحظ زي الوان قوس قزح كده علي الشاشتين مش بنشوفو في الشاشات التانيه و لكن
ده بسبب ال Ultra viewing angle layer  الموجوده عليهم و اللي ساعات بعض الناس ممكن تعتبرو حاجه بتدايقهم أكثر من الإنعكاسات نفسها.

شدة سطوع الإضاءه فى سامسونج Q80t و Q90T

و برده من العوامل اللى بتأثر على الإنعكاسات الخارجيه على الشاشه هى ال peak brightness  او أقصى
شدة إضاءه ممكن الشاشه توصلها لأن كل ما نور الشاشه بيكون أعلي و أقوي هايغطي أكثر علي الإنعكاسات الخارجيه و الشاشتين اداؤهم كويس في المنطقه دي و لكن ال Q90T هي اللي تكسب في المنافسه دى لأنها بتوصل لى 1150 نيتس مع  محتوى ال HDR و لي أكثر من 600 نيتس مع محتوى ال SDR على عكس الشاشه ال Q80T اللي بتوصل 700 نيتس مع محتوي ال HDR و ل 400 نيتس مع محتوي ال SDR. 

و لذلك تجربة مشاهده  محتوى ال HDR هتكون رائعه جدا على الشاشه ال  Q90T أكثر من ال Q80T و لكن على اى حال فا قوة إضاءة الشاشتين مناسبه جدا للتعامل مع الإنعكاسات المختلفه عليهم. 

تعامل شاشة سامسونج Q80t و Q90T مع الحركه

و طبعا الشاشتين 120 هيرتز Native ريفريش ريت بانل و أداؤهم فوق الممتاز و مشابهين لبعض جدا علي مستوي ال Motion handling  او التعامل مع الحركه و مفيش فرق بينهم يذكر أو ممكن إن المستخدم
العادي يلاحظه الا بأجهزه معينه بتقيس السرعات دي وال respose time  فى الشاشتين اقل من 4ms  
وصعب تشوف عليهم اى  blur او ضبابيه فى الأجسام المتحركه بسرعه عليهم و كذلك مستحيل تقريبا إنك
تشوف اي خيالات فى الصوره. 

 و بالإضافه لكده فالشاشتين فيهم خاصيه ال BFI اختصارا لي Black frame insertion و خاصية ال Motion interpolation و  اتكلمت عنهم بشكل مفصل أكثر فى فيديو معنى معدل تحديث الشاشة فا
ممكن اللي عايز معلومات عنهم أكثر يتفرج عليه  و وظيفة الخاصيتين دول بشكل عام  زيادة نعومة
حركة الصوره 

 وأخر حاجة فى ال motion handling و هي ال Input lag او سرعة أستجابة الشاشه للأوامر
الخارجيه من الحاجات المتوصله بيها زى الجيمينج كونسولز و ال pc و برده مفيش فرق بينهم يذكر أو ممكن
إن المستخدم العادي يلاحظه و كمان مع دعم الشاشتين لخاصية ال VRR و ال AMD freesync فا بيضمنولك تجربة لعب سلسه جدا بدون اى تقطيع في الصوره و هما بيشتغلو اوتوماتيك مع اي جهاز متوصل على الشاشه بيدعم نفس التيكنولوجيز و هاتلاقو معلومات عنهم أكثر برده في نفس الفيديو بتاع معنى ال Refresh rate  اللي لسه قايل عليه

جودة الصوت فى سامسونج Q80t و Q90T

أما بالنسبه للصوت فالشاشه ال Q90T بتكسب في المنافسه دى لأن سماعاتها بقوة 60 وات 4.2.2
تشانل مش 40 وات 2.2 تشانل زى ال Q80T و ده أكيد معناه إنك هاتسمع صوت مجسم و اعمق بشكل
ملحوظ عن ال Q80T و إن كانت الشاشتين صوتهم بيفتقد للبيز الحلو اللي بنحبه من ال Home theatre
ودى طبيعة صوت سماعات التلفزيون عموما و علشان كده الناس بتلجأ لأستخدام الساوند بار و المسارح
المنزليه علشان تديلهم تجربة مشاهده أفضل و لأن الشاشتين بيدعمو ال eARC فا ده هيخليك تستمتع
بالصوت الدولبي اتموس بسهوله لو وصلت الشاشات دي علي مسرح منزلي بيدعم الدولبي اتموس و الشاشتين
فيهم خاصيه ال Active voice amplifier  اللي وظيفته إنك لو مااستخدمتش ساوند بار مع الشاشه في إنه بيستخدم المايك الموجود في الشاشه و بيقيس بيه الصوت بشكل اكويستيك فى المكان اللي محطوطه فيه  الشاشه و بيظبط الصوت اتوماتيك علي أفضل إعدادت ليه حسب كل مكان   

فا فالمجمل نقدر نقول إن الشاشتين ممتازين جدا لكل الإستخدامات  لكن كاجودة صوره و صوت فا ال   Q90t   تعتبر درجه أعلي في الجوده من ال Q80T  بسبب ال Peak brightness الأعلي و إتساع الطيف
اللوني ليها مع الcolor volume  الأفضل و السماعات ال 60 وات 4.2.2 تشانل و  رأي إنك لو مكنش
كل أهتمامك هو ال المحتوي ال HDR او استخدامك ليها كا لعب جيمز أكثر فالأفضل إنك توفر فلوسك و تجيب
ال Q80T لكن لو عامل الفلوس مش هيفرق معاك يبقى ال Q90T أكيد هتكون تجربه المشاهده معاها أفضل

مواضيع ذات صله:

لمشاهدة فيديو أفضل 8 شاشات سمارت 43 بوصه إضغط هنا 

لمعرفة أفضل 8 شاشات سمارت 55 بوصه هنا 

إذا أردت متابعة مراجعات أحدث الأجهزه إضغط هنا

لمعرفة أفضل أنواع التكييفات في 2020 إضغط هنا 

لمعرفة الفرق بين تقنية الصوت الدولبي اتموس و ال DTSX إضغط هنا

لرؤية أفضل 8 شاشات 43 بوصه بدقة FHD اضغط هنا 

لى التعرف افضل 8 شاشات 32 بوصه اضغط هنا 

لمشاهدة فيديو فتح صندوق مروحة حائط سمارت اضغط هنا