شاشة سامسونج q70t منافس قوي لشاشة ال جي nan86
شاشة سامسونج q70t منافس قوي لشاشة ال جي nan86 في 2020 و مقالة
اليوم هي مقارنه بين 4 موديلات من شاشات التلفزيون المحيرين شويه و هما
ال جي نانوسيل موديل nano 86 إنتاج 2020 و Sm9000 موديل 2019 في مقابل
شاشة سامسونج q70t كيوليد موديل 2020 و q70r موديل 2019 و يمكنك مشاهدة
الفيديو للمزيد من التفاصيل
شاشة سامسونج q70t منوفره بمقاسات من 55,65,75,85 بوصه وسعرها بيبتدي من 13 ل 14000 جنيه أو 750 دولار لمقاس 55 بوصه و ال nano86 متوفره بمقاسات 49,55,65,75 بوصه و سعرها بيبتدي من 15 الف
جنيه أو 550 دولار لمقاس 49 بوصه
وشاشة ال جي nano86 في 2020 بتعتبر بديل لموديل SM9000 من 2019 وكذلك شاشة
سامسونج q70t بتعتبر بديل لموديل q70r لكن كا أداء حقيقي لي ال Q70T نقدر نقول إنه في النص بين موديلبن السنه اللي فاتت ال Q60R و ال Q70r و مفترض يعني إنه يكون ادؤه أحسن علي إعتبار إنه الأحدث و هنعرف ليه دلوقتي.
و هابتدي بالتصميم الخارجي لـ شاشة سامسونج q70t و باقي الشاشات
اللي بيتطور عن السنه اللي فاتت في الشاشه nano86 بالبيزيلز أو حواف الشاشه الأرفع من موديل sm9000 و نفس رفع الشاشات السامسونج ال q70t و ال q60t اللي شكلها ماتطورش عن السنه اللي فاتت ولكن شكله عصرى أكثر من فئة الشاشات ال um و ال un7340
التحكم في شاشة سامسونج q70t و باقي الشاشات
و التحكم في الشاشه ال nano86 بيكون من زرار و احد في النص زي موديلات
السنه اللي فاتت و زي ال q70t
و التحكم في الشاشه من زرار واحد في النص بيبقى صعب جدا طبعا لأنك بتشغل كل وظائف الشاشه من نفس الزرار
عن طريق سلسه من الدوسات الطويله و القصيره و معرفش ليه سامسونج عملت
كده في موديل السنادي علي الرغم من إن موديل ال q70r كان بينزل ب 5 زراير مش واحد و لكن علي اي حال فا ريموت الشاشات دي مهم و لازم نحافظ عليه
المداخل و الوصلات
و الشاشتين من الجنب رفيعين جدا و سمكهم 5 سم تقريبا وظهر الشاشه nano86 زي موديل السنه اللي فاتت الsm9000 مع بعض الإختلافات في اماكن الوصلات و هانلاقي في جنب الشاشه ال nano86 مدخلينHDMI version 2 و مدخل واحد usb وفي ظهر الشاشه مدخلين HDMI version 2.1 مش أربع مداخل HDMI 2.1 زي ال sm9000
و الشاشتين فيهم مدخل Earc HDMI وهو تيكنولوجي أحدث من HDMI arc بس و التيكنولوجي دي بتنقل إشارات الصوت ال دولبي اتموس غير مضغوط 5.1 الي أجهزة ال Sound Bar و ال AV reciver مش اشارات الدولبي المضغوط بس زي تيكنولوجي ال ARC لأن ال nano86 بتيجي بصوت دولبي اتموس بس مش DTSX و دولبي اتموس زي ال sm9000 و مع وجود تقنيه ال CEC في الشاشتين بنقدر نتحكم في المسرح المنزلي
من ريموت التلفزيون
و اللي حابب يعرف معلومات أكثر عن الدولبي اتموس و ال DTSX شاهد فيديو الفرق بين الدولبي اتموس و ال DTSX
مع العلم إن الواي فاي في الشاشتين بيدعم ال2.4 و ال 5 جيجا هيرتز
وفيه 2 مدخل usb و مدخل كابل لان و مدخل Composite in و مدخل تلفزيون أرضي
ديجيتال و مخرج صوت اوبتيكال و مفيش مخرج سماعه هيدفون 3.5 مل و الوصلات اللي مكانها في ظهر الشاشه أصعب شويه في توصيل الكابلات لو الشاشه متعلقة علي
حائط و الشاشتين مفيهمش اي وسيله لي لتنظيم الكابلات او ال cable management
تتميز شاشة سامسونج q70t بال Cable management
و اللي بتتميز فيها النقطه دي الشاشه السامسونج q70t و ال q70r اللي متشابهين
مع بعض جدا في تصميم الظهر اللي بيكون في الوصلات كلها جانبيه فابتسهل
إستخدامها أكثر وهما 4 مداخل HDMI فيهم مدخل واحد بس version 2.1 مش مدخلين
زي النانو 86 فيهم برده وصله EARC بتدعم تقنية ال CEC و 2 مدخل USB مش ثلاث
مداخل زي ال nano86 مع العلم ان الشاشه ال q70r لا تدعم ال Hdmi 2.1 ولا الصوت دولبي اتموس زي الشاشه الأحدث ال Q70t
و في مخرج صوت اوبتيكال و مدخل تلفزيون أرضي ديجيتال و مدخل كابل لان و لكن
مافيش مدخل composite in و دي حاجه باعتبرها من عيوب الموديل ده بصراحه
بالنسبه لسعره بالأخص إنه موجود في موديلات اقل زي ال TU8000 بالأضافه لعدم
وجود مدخل سماعه هيدفون 3.5 مل ولكن هانلاقي زي مشبك صغير في كل رجل
لي ال cable management
مع العلم ان الشاشتين الواي فاي فيهم بيدعم ال 2.4 و ال 5 جيجاهيرتز زي الشاشتين
ال ال جي
ال picture quality و مستوي جودة الصوره
و ندخل بقي علي الأهم و هو ال picture quality و مستوي جودة الصوره بالنسبه
لي الأربع شاشات و اللي بنحكم عليه من خلال مجموعة عوامل و هابتدي بأهمهم
و هو الكونتراست ريشيو و المصطلحات دي اتكلمت عن معناها بشكل أكبر في فيديو
الفرق بين الشاشه ال CX و ال C9
و زي كل شاشات ال جي الشاشه ال nano 86 بتستخدم IPS بانل و مع إن ال IPS
بانل الوانها زاهيه أكثر من الVA بانل و زوايا الرؤيه فيها برده أفضل من ال VA الا إن الكونتراست بتاعها اقل شويه من ال VA بانل و درجات الأسود فيها فقيره شويه برده
و مش uniform او موحده و متساويه في درجة سوادها علي مساحة الشاشه
بالمقارنه لى ال VA بانل
و في حين إن موديل nano86 تحديدا الكونتراست ريشيو فيه أحسن من ال SM9000 و أحسن من اغلب الشاشات ال ips بانل الأقل منها بشكل عام لكن برده هانلاقي
درجات الأسود فيه مجربه سنه و رايحه علي رمادي و بتبان أكثر لو مشغلين الشاشه
في غرفه مظلمه لاكن مش هانحسها اوي لو فاتحين النور علي الرغم من وجود ال local dimming
local dimming
و مع وجود ال local dimming في الشاشه nano86 الا انها Edge-lit او الأضاءه الخلفيه
فيها من الحواف فقط و ال local dimming مش أحسن حاجه وده لأنها مش fullarray Local dimming زي ال sm9000 اللي بيكون فيها ال Full Array local dimming مش أحسن
حاجه برده و لكنه أدق و أحسن لأنها بتستخدم صفوف كثير من اللمبات في الإضاءه الخلفيه في ظهر الشاشه كلها مش علي الحواف بس فا بتقدر تقسم الشاشه لزونز او مناطق
بعينها تطفي و تنور حسب اضاءه المشهد المعروض علي الشاشه
وعامل الكونتراست ريشيو بتتفوق فيه شاشة سامسونج Q70t بشكل كبير لأنها
بتستخدم VA بانل بالأضافه لإستخدامها تكنولوجيا جديده مش موجوده في موديل السنه
اللي فاتت ال q70r و هي ال Dual led technology علشان تزود بيها الكونتراست ريشيو بتاعها
تكنولوجيا ال dual lighting
و مع تكنولوجيا ال dual lighting الجديده بيكون في درجتين من الألوان في نور الليد
فابيبقي شريط الليد في لمبه وورم و لمبه كول علشان تعوض الفرق في النور اللي
بيقل من الفلاتر و بالتالي تبقي اضاءة الشاشه اقوى و الكونتراست اعلي
و لكن مع وجود التكنولوجيا دي في ال q70t الا انها مش بتزيد في الكونتراست ريشيو
عن موديل q70r لأنها edgelit برده زي ال nano86 مش full array زي ال q70r و ال sm9000 و لكنها أفضل من موديلات ال q60t و ال q60r
اما ثاني عامل في جودة الصوره و هو ال gray uniformity او توحيد الرمادي
و هو أفضل في ال nano86 من ال Sm9000 و لكن في نفس الوقت مش أفضل من
ال q70t اللي بتتفوق علي ال q70r في المنطقه دي و جدير بالذكر إن الgray uniformity ممكن تختلف من شاشه للثانيه حتي لو من نفس الموديل و ده بسبب عوامل
كثير في مراحل تصنيع الشاشه و مش موضوع الحلقه
و العامل الثالث في عوامل جودة الصوره وهو زوايا الرؤيه
و زي ما قولت من شويه إن شاشات ال جي بتستخدم Ips بانل فا طبعا زوايا الرؤيه
فيها أفضل من شاشات سامسونج اللي بتستخدم ال VA بانل و موديل ال nano86
بيعتبر أفضل من موديل ال sm9000 بفارق بسيط و لكن لو عايزين شاشه سامسونج زوايا الرؤيه فيها في مستوي ال nano86 يبقي هانروح للموديلات الأغلي سعرا شويه
زي ال q80t و ال q90t لأنهم مزودين عليهم
ultra viewing angle layer او طبقه زياده لتحسين زوايا الرؤيه لأن الطبقه دي مش
موجوده في موديل شاشة سامسونج q70t اللي زوايا الرؤيه فيه زي موديلات السنه اللي فاتت ال q70r
ال reflection handling او التعامل مع الإنعكاسات الخارجيه علي الشاشه
ولو الشاشه مكانها في غرفه فيها إضاءه قويه و شبابيك كبيره فا ال reflection handling
او التعامل مع الإنعكاسات الخارجيه علي الشاشه هايكون من العوامل المهمه ليك و
هيأثر علي تجربة مشاهدتك للشاشه
بالأخص الإنعكاسات اللي بتبان علي الشاشه أثناء تشغيل الأفلام او المشاهد المظلمه و الشاشه ال nano86 قويه جدا في الموضوع
ده و بتمتص الإنعكاسات دي بشكل أفضل من موديل السنه اللي فاتت Sm9000 لأن
شاشتها ال شبه لامعه ال semigloss بتوزع الأنعكاسات بشكل كويس علي مساحة
الشاشه و طبعا بيكون في إنعكاسات برد لو الغرفة شديدة الإضاءه اوي و لكن بشكل عام تعتبر جيده جدا بالنسبه لأغلب المواقف
و هي بصراحه أفضل برده من شاشة سامسونج q70t في معالجة الإنعكاسات و سامسونج ما اضافتش جديد في ال q70t عن الشاشه ال q70r
و العامل الخامس في جودة الصوره هو ال peak brightness
أو اقصي شدة إضاءه ممكن الشاشه توصلها و بيتقسم ل sdr peak brightness و هو
أقصى شدة إضاءه أثناء عرض المحتوي العادي ال standard اللي مش HDR لأن كل ما الشاشه إضائتها تكون أقوي تأثير الإنعكاسات الخارجيه مش بيبان عليها زي ما تكون
إضائتها ضعيفه بس في المشاهد المضيئه و كمان الصوره بتبقى ناطقه وواضحه و
مبهره أكثر
و الشاشه ال nano 86 ال SDR peak brightness فيها 267 نيتس و هو أقل شويه من ال Sm9000 وممكن نلاحظ إنها اققل شويه في التغلب علي الأنعكاسات الخارجيه في المشاهد المضيئه بالأخص لو مشاهدتك للتليفزيون أغلب الوقت في النهار في غرفه فيها شبابيك كبيره و منوره قوي
و هنا الشاشه ال q70t و ال q70r بيتفوقو بشكل كبير علي الشاشه ال nano86 لأن
ال SDR Peak brightness بتاعهم الضعف تقريبا و بيوصل ل 450 نيتس و ده أفضل بشكل ملحوظ طبعا
المحتوي ال HDR
ولو بتتفرج علي محتوي HDR من أمازون برايم و نتفلكس و Apple tv + كثير أو بتلعب جيمز HDR علي بلايستيشن 4 برو أو إكس بوكس وان إكس فا قابلية الشاشه لأنها تنور مناطق معينه من الصوره بإضاءه أقوي و في نفس الوقت بدون ما التفاصيل في الصوره تتمسح و تبهت حاجه مهمه علشان تكون الصوره أحلي و ده من أهم الأسباب اللي بنلاقي فيها شاشات المحتوي ال HDR تحس إنه هينطق و هايبوب عليها أو مبهر لدرجة إنك تحس انك في المكان اللي بتشوفه فعلا و شاشات تانيه تحس إن الصوره فيها عاديه أو مش مبهره أوي
و الشاشه ال q70r هي اللي بتفوز في المنافسه دي و أكثر شاشاه الصوره هاتبوب فيها المحتوي ال HDR لأن ال HDR peak brightness بيوصل فيها 747 نيتس و هو أعلي من ال q70t ال 455 نيتس ولأن كمان ال q70t شغاله بنظام ال Frame Dimming اللي بيدم مساحه كبيره من الشاشه حسب إضاءه المشهد مش مناطق صغيره زي ال Full Array local Dimming الموجود في ال Q70r اللي بيدم مناطق أصغر في الشاشه
ولأن محتوي ال HDR علشان نشاهده بشكل مبهر و تفاصيل واضحه محتاج أكثر من 500 نيتس علي الأقل و الثلاث شاشات المنافسين أقصاهم 455 نيتس أو 390 نيتس زي الnano86 المحبطه شويه في ال HDR
جودة الألوان
و غير ألإضاءه كمان قدرة الشاشه علي تغطيه ال الطيف اللوني ال DCI p3 المستخدم في ال HDR content و هو أفضل في الشاشات السامسونج Q70R و ال Q70T عن
ال Nano86 و ال SM9000
ال Motion handling
ولو انت من مشاهدين الرياضه كثير و لعب البلايستيشن و الجيمز فاعامل ال Motion handling ممكن يبقي أهم عامل ليك في اى شاشه بتشتريها
و الشاشه ال nano86 و SM9000 و q70t و q70r زي بعض 120 Hz بانل و الريسبونس
تايم بتاعهم بيتراوح في ال 14 و 15 ملي ثانيه و ده ممتاز جدا طبعا ما عدا بس موديل
ال 49 بوصه من ال q70r علشان بينزل ببانل 60 هيرتز مش 120 علشان برده الناس اللي مش مهتمه اوي بالجيمز و الرياضه تلاقي شاشه فيها نفس المميزات بمقاس و سعر أقل
و الموشن بلور او ضبابيه الحركه في الأجسام المتحركه بسرعه علي الأربع شاشات
بسيطه جدا و الأربع شاشات برده فيهم خاصية ال Blackframe insertion أو إدراج فريمات سوداء في وسط الفريمات الحقيقيه علشان تقلل الموشن بلور و أدائهم ممتاز جدا وممكن نختار فتحة و قفله من اوبشن led Clear motion في إعدادات الشاشه السامسونج لاكن مش بيشتغل مع ال Game mode و ان كان برده اداؤه أفضل في الq70r من ال q70t او بنشغله من اوبشن True user motion pro من أعدادات الشاشه ال ال جي
ال Input lag
و برده من العوامل المهمه بالنسبه للجيمز و التوصيل علي الكمبيوتر عامل ال Input lag
أو سرعة و بطء الشاشه في الإستجابه للأوامر الخارجيه و الشاشات كلها سريعه
بصرلحه و أدائها حلو لدرجة إنك مستحيل تلاحظ اي تأخير أوفرق بينهم في السرعات غير بأجهزه بتقيس السرعات دي لأنها فروق بالملي ثانيه وده في أغلب الشاشات الحديثه
عموما
والشاشات السامسونج أدائها ممتاز أكثر من شاشات الnano86 و SM9000
في ال Motion handling مع الجيمز عموما لأنها بتدعم تيكنولوجي ال AMD freesync VRR اللي بيقلل ال screen tearing او التقطيع في حركه الصوره
وبيشتغل اوتوماتيك أول ما الشاشه تتوصل علي كمبيوتر أو Xbox one اللي بيدعمو التقنيه دي و ده اوبشن حلو برده و لكن الشاشه ال q60t و ال nano86 وال sm9000 مش
بيدعمو ال VRRمن منفذ ال HDMI 2.1 و لكن لو جربتهم علي كارت شاشه GTX 1060
مثلا فا مش هيشتغل لأنه بمخرج HDMI 2.0 و الموضوع محتاج يتجرب مع الكروت
ال HDMI 2.1 زي ال 3080GTX Invidea اللي لسه نازل و سعره بيبتدي من 700
دولار فا سعره بثمن شاشه لوحده
أنظمة التشغيل
و بالنسبه للسمارت فيتشرز و أنظمة التشغيل فا ناس كثير بتفضل نظام تشغيل webos
في شاشات ال جي لسهولة استخدامه بالأخص مع الماجيك ريموت اللي بيشتغل
كاماوس للشاشه لما توجه ليها و الخاصيه دي بتتميز بيها ال جي عن اي شاشه من نوع تاني مع خاصيه ال voice control الموجوده في شاشات تانيه كثير و بتستخدم google assistant مع دعمها لسماعات أمازون اليكسا و ال nano86 بتتميز علي ال SM9000 ب
ال webos 5 مش 4.5 اللي فيه بعض المميزات الزياده زي ال Filmmaker mode
اللي بيخليك تتفرج علي الفيلم بشكله الواقعي زي ما المخرج عمله بصورته الأصليه
بدون اي تحسينات إضافيه من الشاشه زى زيادة تركيز الألوان و تنعيم حركة الصوره
و زيادة عدد الفريمات و هي كلها حاجات ممكن تتظبط من ال settings في الشاشه
لكن و جودها في مود واحد بيسهل الأستخدام أكثر
HGIG mode
و ده بالإضافه لمود الجيمز لل HGIG اللي بيحسن تجربه الـــ HDR Gaming لأنه بيوجه
كل موارد الشاشه لللعب وفق أعلى المعايير المخصصة ليها. و المودين دول موجودين في شاشات ال جي 2020 عموما مش الشاشتين دول بس مع وجود البلو توث في الشاشتين
فا السوفوير الأحدث برده في خاصية إنك توصل سماعتين بلوتوث خارجيين علشان تعيش تجربه كامله للصوت ال سيرروند
و كمان السوفت وير الأحدث ادائه اسرع في تحميل التطبيقات المختلفه
و ال user interface أو واجهة المستخدم منظمه أكثر
و إذا كنت من مستخدمين تليفونات أبل فا النانو86 عليها airplay2 و تطبيق Apple TV+ لمشاهدة أحدث العروض والأفلام الأصليه من ِapple tv لكن sm9000 بتنزل ب airplay 2 بس من غير TV+
و كل ده بدعم من الجيل الثالث الجديد من المعالج alpha 7 gen 3 مش alpha 7 gen 2 الموجود في موديلات 2019
نظام تشغيل شاشة سامسونج q70t
و الشاشات السامسونج بنظام تشغيل تايزن المشابه بشكل كبير للويب أو إس في
واجهة المستخدم ما عدا طبعا الماجيك الريموت و لكنه بيدعم برده الأوامر الصوتيه من
خلال جوجل اسيستانت اللي بيجي بيلت إن في الشاشه مش من سماعات
خارجيه زي الموديلات الأقل سعرا شويه مع المساعد بيكسبس الخاص بسامسونج
و مساعد امازون اليكسا و يمكن دي اول مره يبقي الثلاث مساعدين موجودين مع
بعض في شاشه واحده
و بيتميز تايزن عن الويب او إس في فئة الكيوليد بخاصيه ال splitscreen او المالتي
تاسكينج و هي خاصيه حلوه جدا برده بتقدر من خلالها إنك تقسم الشاشه نصين مع اي
جهاز متوصل عليها بحيث إنك تشوف الجهاز المتصل بالشاشه في نص و قنوات التلفزيون
اللي شغاله في النص الثاني و خاصيه ambient mode اللي بتخلي الشاشه جزء من المكان الموجوده فيه و برده فيها جيم مود و film mode و برده airplay2 و تطبيق Apple
TV+
و كل ده بيحصل برده بدعم من المعالج AI Quantum processor 4K وهو نفس المعالج المستخدم في ال q70r
الصوت
اما بالنسبه للصوت فا من الأفضل طبعا مع شاشات حلوه زي دي إن أحنا نجيب ساوند بار
او مسرح منزلي متكامل علشان ناخد منها أفضل تجربه مشاهده و لكن لو الميزانيه او
المكان مايسمحوش بكده فالشاشات كلها سماعات 20 وات و 2 تشانل و بتفتقد للبيز
و صوتها فلات شويه و لكن في المجمل صوتها مش وحش و إن كانت أفضلهم ال q70t علشان فيها تيكنولوجي جديده اسمها Adaptive sound +
اللي بتشتغل لما تفتح ال AI mode في الشاشه و التيكنولوجي دي بتقيس ال noise و الضوضاء في المكان اللي شغال فيه الشاشه و تظبط أفضل وضوح للصوت اوتوماتيك حسب ال noise في المكان
و برده ال جي بتستخدم ال AI sound اللي بيعمل تحليل للمحتوي المعروض و بتظبط نقاء الصوت علي حسب المحتوي و بتحوله من صوت قناتين ل 4 قنوات و بيبان تأثيرها أكثر لو الشاشه متوصله ب Home theatre
رأيي بشكل عام في الأربع شاشات
و بشكل عام الأربع شاشات ممتازين جدا في كافة الإستخدامات و إن كنت في رأي الشخصي شايف ان شاشات سامسونج ال كيوليد أفضل بشكل مالحوظ بالأخص مع الناس اللي بتلعب جيمز HDR كثيرأومهتمه أكثر بالمحتوي الرياضي و المحتوي ال HDR
و اللي بتتميز فيه الشاشه ال q70rاللي عيبها الوحيد بالنسبه ليه إنها مافيهاش
HDMI 2.1 زي ال q70T و شايف إن موديلين الكيوليد اللي اتكلمت عنهم أفضل من
النانو سيل لأن إضائتها أقوي و ال contrast ratio فيها أعلي و ال inputlag أقل و
دعمها لي ال freesync vrr و طبعا ده بغض النظر عن المميزات الثانيه لشاشات
ال جي زي زوايا الرؤيه الأفضل و الريسبونس تايم الأسرع و التعامل مع الإنعكاسات
الخارجيه الأحسن و الماجيك ريموت اللي بتتفوق بيهم علي شاشات سامسونج
بالأخص مع دعمها المحتوي الدولبي فيجن المتوفر ليه محتوي أكثر علي أغلب
المنصات زي نتفليكس لأن شاشات سامسونج مش بتدعم الدولبي فيجن و بتدعم
ال HDR و ال HDR10+ بس فا نقدر نقول انك لو بتتفرج علي افلام و مسلسلات
و برامج أكثر فالشاشه ال ال جي نانو سيل هاتكون أفضلك
مواضيع ذات صله:
مواصفات الشاشه علي موقع سامسونج إضغط هنا
لمشاهدة فيديو أفضل 8 شاشات سمارت 43 بوصه إضغط هنا
لمعرفة أفضل 8 شاشات سمارت 55 بوصه هنا
إذا أردت الإطلاع علي مواصفات الشاشات بشكل مفصل اضغط هنا ,
إذا أردت متابعة مراجعات أحدث الأجهزه إضغط هنا
و لمعرفة أفضل أنواع التكييفات في 2020 إضغط هنا
و لمعرفة الفرق بين تقنية الصوت الدولبي اتموس و ال DTSX إضغط هنا
لمشاهدة فيديو أفضل 8 شاشات 43 بوصه بدقة FHD اضغط هنا
و لمشاهدة فيديو افضل 8 شاشات 32 بوصه اضغط هنا
ولمشاهدة فيديو فتح صندوق مروحة حائط سمارت اضغط هنا